بروح العمره

و عليكم السلام
انا اخر مرة قبل الحج احرمت من السيل الكبير و كفيت بسيارتي لمكة... بعدها لقيت موقف لسيارتي قريب من الفنادق و بعد ما اطمن على موقف سيارتي اخذت فندق.... ريحت للمغرب و من الفندق للحرم اخذت تكسي ب 10 ريال او اقل و اعتمرت.... خلصت عمرة و دورت سيارتي و امشيت للرياض

تقبل الله منا ومنكم .. اول شئ توكل على الله واطلع قبل اول ضوء نهار .. احترس من "ساهر" خصوصا مسافة بعد الرياض ب100 كيلو بتكون الكاميرات كثيرة وبعدها كل مسافة شبه منتظمة ، الافضل ان عينك تكون على يسار الطريق فجميعها في الذهاب من الناحية اليسار .. وصلت الميقات من السيل الكبير أن شاء الله، الأفضل لك خذ غرفة عند قبل الدوران ناحية مسجد السيل مباشرة، هناك مباني جديدة، اخذت فيها قبل اسبوع الغرفة 20 ريال الساعة ، نظيفة وجميلة، وممكن تروح تصلي بالمسجد بعدها ، بالطبع كانت مفيدة جدا لي لان كان معي الاهل والاولاد ... بعدها توكل على الله نحو مكة، في تعديلات بسيطة في مدخل مكة في اتجاه الحرم لكن ما بيمشى الحال ان شاء الله .. يفضل تبتعد عن ان تقترب بالسيارة من الحرم .. انا رحت فندق في العزيزية فقط تركت السيارة، واخذت تاكسي للحرم ب 15 ريال، وبعد العمرة رجعت الفندق اكلت ونمت ثلاث ساعات فقط ومنه الى العودة للرياض ، فنادق العزيزية ارخص واوسع وبتلاقي اكل افضل من قرب الحرم .. اتمنى اكون قلت لك ما تريد .. ورحلة جميلة وتقبل الله منا ومنكم

انا بفضل اروح للعزيزية لاني غالبا بروح بالسيارةن ودخلت العزيزية بتسأل عليها قبل ما توصل الحرم بكيلومترات قليلة ومنه بتدخل شارع العزيزية العام لغاية ما يجيك "البيك" على يسارك بيكون امامك فندقين، على اليمين "كونكورد" وعلى اليسار جانب البيك تقريبا بعده .. فندق الأصيل .. كونكورد جيد وفي حدود 200 ريال الليلة .. الاصيل بيكون مقبول وهو 100 الليلة .. اخر مرة رحت الاصيل، هو معقول لغرض نوم عدة ساعات واحضار اكل وبرك السيارة .. ربنا يستر طريقك

لا تنسى ربط حزام الامان .. اخدت عليه مخالفة في كمين قبل الطائف ب 200 كيلو تقريبا

الشباب كفو و وفو ما شاء الله  بس من ناحية المواقف ابشرك الان المواقف قريبه من الحرم في الحجون  مواقف مدفوعة  بالساعه متطوره و وصفها بسيط جدا اول ما تدخل مكه أمشي كأنك رايح الحرم و قبل الحرم بمسافه  بسيطه راح تشوف المواقف  توصل بالسلامه 

ارحب ياسكودر 

اسمع حبيب قلبي 
رح من الرياض الى الطائف من يوم توصل الحويه قبل الطائف 20 كيلو تحصل شقق الصواط على يمينك بعد المطار مباشره ريحه فيها ومن بكره رح للمقات حول الحويه تقريبا 30 كيلو ومن الميقات الى الحرم 80 او 90 كيلو 
فيه مواقف حول الحرم اسمعها المسكوته يظحك اسمها 
ابد وقف موترك هناك واركب لموزين ولا باص معروفه هالمواقف لو تظيع اسئل اي لموزين ولا كداد 
المسكوته

توصل بالسلامة باذن لله ....
اذا تبي نصيحتي فنادق برج الساعه الان اسعارها مناسبة احجز لك يوم ووقف سيارتك امام مصنع زمزم وتكسي 15 ريال قريب جدا من الفندق... ورح للفندق مباشره نزل شناطك واعتمر وارجع وفنادق البرج ممتعه مطاعم وقريبة

ادعس الى مكة
و فيه مواقف اسمها المسفلة قريبة من كدي الساعة ب 10 وقف فيها تبعد عن الحرم
مشي 10 دقائق
و بعدها خذ موترك و دور لك على سكن ريح و توكل على الله

حياك بين اهلك وناسك يابعدي اعتمر من ميقات السيل وامشي ولا توقف الا عند الحرم فيه مواقف في محبس الجن اسأل عنه وراح يدلونك وتركب من هناك ب 10 ريال وتنزل بالحرم اما سالفة انك توقف سيارتك وتركب مع كداد هذه اذا جيت برمضان الحكومه تمنع دخول سيارات المعتمرين ف يوقفون في حجز السيارات ويركبون باصات اما الحين كل شي مفتوح .. وانا من مكه اي خدمه تواصل معاي خاص 

شيخ المعارض ههههههههههه عجبتني المسكوته هذه ههههههههه
اسمها المسخوطه وليست المسكوته الله يسعدك ياشيخ