أضف سؤال أو موضوع جديد          

وش وضع السوق ماعرفنا له

up 2 down 0
قراند ماركيزgs 9
قبل 7 شهر و 2 أسبوع



السلام عليكم
يالربع وش سالفة السيارات بتنزل هي ولا لا ؟؟
انا لي فتره ابحث عن بانوراما ولا حصلت شي مناسب
موقع حراج صار للبزران يحط سومه بالسما واللي يسوم ماهو صامل
لو يقوله تعال ماشرا ولا ان جا طلع فيها مية عيب وراعي السياره الغبي 
يظل معلق على سومت الاخ اللي رفعها للسما وتركها 
ويقعد كل يوم يعرضها ويكتب مسيومها بكذا وهذا حال موقع حراج
مرسسدسات  كلها اسعارها مطيرينها 2006 على 65 و70 
وموديلات 2010 على 110 و120 !! 
واليوكنات والامريكي والجيوب طاحت وشثي شفته بعيني
عاد الامريكي نزل منه مستعمل فوق 35% واكثر
من سعره لاكن تعبت وانا ادور بسعر مناسب ونظافه
ماحصلت والله وانا من الشرقيه وجت فكره براسي 
اخذ اجازه اسبوع من العمل واطلع لمعارض النسيم
او الشفا ادور على مرسسدس وش تنصحوني يالربع
بضل هالضروف ارتفاع بانزين على ابواب وتكدس ولا في بيع
ولا شرا وش رايكم انتم انا والله خاطري في مرسسدس
ابغاها استخدام وحق مناسبات وكذا 
تنصحوني ادور بالمعارض ولا بموقع حراج وتنصحوني استخير وانتضر لبعد الارتفاع وكذا!!
وش رايكم واللي عنده او يخبرلي شي مناسب يكتب لي









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اذا ملزم على مرسيدس اتوقع تلاقي ف الجفالي مستعمل نظيف او تنزل المعارض ويوم الجمعة ممكن تحصل شي لقطة نظيف


up 1 down 0
zax_makkah 88
قبل 7 شهر و 2 أسبوع



اخوي حياك الله
الجفالي اسعاره صلخ يعني غالي مره 
وانا ميزانيتي ماتسمح لي 
وموقع حراج مطيرينها للسما وتحصلها مرشوشه وماشيه كثير
فوالله احترت الصراحه انا براسي اني اطلع لمعارض الشفا او النسيم 


up 0 down 0
قراند ماركيزgs 9
قبل 7 شهر و 2 أسبوع



اطلع المعارض يوم الجمعة بتلقى ان شاء الله بس اهم شي لا تستعجل


up 0 down 0
loody_23 354
قبل 7 شهر و 2 أسبوع



طيب يالغالي
اي معارض اللي احصل فيها بانورامات بكثره ؟ 



up 0 down 0
قراند ماركيزgs 9
قبل 7 شهر و 2 أسبوع



شوف دبي اذكر قبل سنتين شفت بانوراما 2006 بـ ٥٠ الف بدون تفاوض 
وارد اليابان نظييف وكاالة  والحين تدخل السيارات من 2012 وفوق يعني يمكن تحصل لك من 90 وانت طالع 
في موقع اسمه دبيزل ادخله وشوف وترا اسعار المعارض عندهم ارخص من الموقع 
وحاليا في الخليج بشكل عام اسعار السيارات نازلة واجد عن اول 
واذا تقدر خدلك من المانيا يطلع عليك رخيص منها تستفيد وقت البيع   



up 1 down 0
abood.az 83
قبل 7 شهر و 2 أسبوع



والله ياخوي مالي بالخليجي ومعمعه 
وبطاقه سكانيه وشغله
ابي سعودي اريح راسي من التجديد والبطاقه وخلافه
والله يعطيك العافيه


up 0 down 0
قراند ماركيزgs 9
قبل 7 شهر و 2 أسبوع



اخوي اذا ميزانيتك حول 70 الف

حتى لو لقيت باقل

صحيح موتر جبار وخــدمه


لكن صياناتها مكلفه وحط ببالك هذا الشئ واذا تقوى على صيانتها الله يعينك


up 1 down 0
aboahmed2014 344
قبل 7 شهر و 2 أسبوع



اخوي ابواحمد  انا من مستخدمينها
قطعها متوفره و جدا مناسبه وتعيش عمر ركب وانسى
وخصوصا بالكويت القطع رخيصه وعندي خبره بصياناتها



up 2 down 0
قراند ماركيزgs 9
قبل 7 شهر و 2 أسبوع



S600l ايش افضل الموديلات والاحجام حسب خبرتك بالنسبة للS كلاس والE كلاس هل تستاهل اقتناء واستخدام يومي ولا عليها ملاحظات


up 0 down 0
يارب توفيقك 2014 1408
قبل 7 شهر و 2 أسبوع



بما انك استخدمتها قبل ولك تجربه وتعرفها
هنا ما اقدر اقول شي
،،، لأن اللماني ،، سياره وحدها ،،،

انا بالنسبه لي ،، ب70 اخذ سياره جديده كامري , ولا اشتري مرسيدس 2008


up 6 down 6
امير الاصيل 1627
قبل 7 شهر و 2 أسبوع



اخوي الغالي سعره فيه لاتتوقع تلاقي نظيف بسعر نظيف الأسعار الطايحه في المواتر دائما تكون يبقالها صيانة والي معاه سياره نظيفة وتعبان فيها ماراح يبيعها بسعر اخواتها المنتهيات ولا قريب من سعرهم فتبغى نظيف بتدفع زيادة


up 0 down 0
ضجيج قلم 152
قبل 7 شهر و 2 أسبوع



اسمع ياحبيبي
انا جربت الدوران بالمعارض وبحراج وكل الطرق جربتها
تبي سيارة نظيفة وسعر مناسب؟
لا تستعجل ابدا
انزل المعارض واهرب من الشريطية هروب من النمر لأنه عدواني اكثر من الاسد واغلبهم يمنيين 

دور الشخص المستخدم اللي عارض موتره للبيع وعطه حق الموتر بدون غليبه عليك ولا عليه لأن الشريطية يسومون السيارة بنقص من ١٠ - ٢٠ الف عن قيمتها حسب رغبة السيارة وسرعة تصريفها

ماعليك الا تعطي راعي السيارة حقها ولا مانع ان تدور الفائدة لنفسك يعني اذا السيارة تستحق ٥٠ اعطه ٤٥ الف واعطه جوالك الشريطية راح يعطونه حوالي ٣٥ الف وهنا ماعليك الا تنتظر اتصال من احد اللي اعطيتهم رقمك 
وقبل الديسلايك ليش تعطيه ٤٥ الف والسيارة تسوى ٥٠ ؟! لأنك من يشتري سيارة اصفار يدفع عليها تظليل وتنجيد وووو الخ.. فما بالك بسيارة مستعملة راح تحط عليها كذا الف لو مهما تكون نظافتها

وموقع حراج حدث ولا حرج فيه ناس تسوم وهو لو تعرض عليه بربع الفيمة ماشرا 

ماعليك الا انك تتواصل مع صاحب السيارة وتعطيه سومتك العادلة واذا عرف ان بعض السوامة ضايعين وسومهم في راح يتصل عليك..

وماعليك الا الصبر والتركد وبصراحة السوق راااااكد جدا جدا جدا والمعارض غااااصة بالسيارات وخاصة المستور

اتلكم عن معارض جدة بالتحديد


up 3 down 1
دكتوراه في الحب 275
قبل 7 شهر و 2 أسبوع



الله يعطيكم الف عافيه يالغاليين وماقصرتو 
وبالنسبه لأخ اللي يسأل عن فروق الأس والأي كلاس 
كلن له ميزات يتميز فيها عن الأخر
فمثلا S كلاس فئة الرفاهيه والفخامه بلامنازع
وتمتاز بكبر حجمها الداخلي والخارجي وتعليقها هدروليكي
وكل مميزات الدنيا فيها يعني بالعربي راعية الاوله على قولتهم
اما E كلاس تجي اصغر منها بالحجم واقتصاديه بالأستخدام اكثر
وتعليقها يجي عادي من الوكاله وفيها راحه وفخامه 
ولاكن ماتوصل نص مستوى S كلاس بالمواصفات ولا بالشكل
وبالنسبه للكرف الأستخدام اليومي والشاق معروف E كلاس
ومن بعدها S كلاس وماهو عيب بالأس لاكن الأس سياره ماهي للبقاله
ومحل الغاز هي للمناسبات والرسميات والخطوط رقم 1 



up 2 down 1
قراند ماركيزgs 9
قبل 7 شهر و 2 أسبوع



طيب ممكن ليش سبب نزول سعرها خصوصاً ان سعرها جديد حوالي٤٥٠الف
ومديل ٢٠١٢تاخذه بحدود١٣٠الى١٥٠الف على حسب النظافه 


up 0 down 0
البراق15 1652
قبل 7 شهر و 2 أسبوع



يالغالي . يمدحون قطر لوحات قطرية مايلقط ساهر السعودية... ورخص التراب المرسيدس


up 1 down 0
صاحب سموه 536
قبل 7 شهر و 2 أسبوع



عندي كلمه بسيطة


الي فهمته منك
تبي شي ماشي قليل نضيف جدا . وتبي تدفع سعر الي مكروفه ومممشاها فوق 200
انت دخلت تحت قائمة الشريطية
الرجال الي بيحافظ على سيارته صيانات ويهتم فيها ما تبيه يطلب المبلغ الي يستحقه
تبي نظيف قرقش جيبك
تبي مستهلك الموقع مليان وعارفين اسعارها
من الاخير النظيف سعره فية .
وفيه فئات وسيارات نادر ما يكون سعرها نازل او هابط مع السوق


up 3 down 0
البرنـس خالد 117
قبل 7 شهر و 2 أسبوع



تبي النزول الحقيقي مالك الا انك تصبر الى ان يرتفع البنزين وكلها شهرين ويجيك العلم اليقين المعارض غارقة بالسيارات ومع ارتفاع البنزين كلن بيحاول يصرف بضاعته باي طريقة


up 0 down 0
هاوي707 136
قبل 7 شهر و 2 أسبوع



البرنس خالد

هههههههه مولهالدرجه عاد ياخوي انا ماقلت ابي رخيصه
قلت ابي سعر مناسب كل اللي حصلت نظيفه غاليه جدا
يعني النظيف يفرق ب25 و30 الف عن اسعار السوق


up 0 down 0
قراند ماركيزgs 9
قبل 7 شهر و 2 أسبوع