أضف سؤال أو موضوع جديد          

مرسيدس E 2008

up 2 down 0
abdulaziz_a.93 9
قبل 4 شهر



السلام عليكم ومساكم الله بالخير
بحكم خيرتكم ودي استشيركم واعرف الفرق بين فئات مرسيدس E
لاني اشوف انواع وما اعرف وش افضلها واحسنها من ناحيه الصيانه وتوفر قطع الغيار وحتى الاستخدام العادي
شفت منها كثير E200 و E280 و E300 و E320 وE63
انا مستخدم عادي ابغاها للبلد توديني وتجيبني وسبب انجذابي لها هو السمعه والراحه وعزل الصوت العالي
هل من نصائح واتمنى تجاوبون على تسائلاتس بالنسبه للفئات
واخر شي هل ترشحون مرسيدس E 2008 ولا لكزس Gs 2008
والعذر والسموحه على الاطاله واللخبطه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام ورحمه الله و بركاته

الحجم يختلف المكينه و القير و يختلف حسب موديل السيارة

يعني موديل 2008 اللي تبحث عنه مافيه حجم 300 ولا 320

فيه حجم 350 و 280

و حجم 350 هو المناسب فيها

اما 200 هذا يجي 4 سلندر ما يصلح ابدا

و 350 يجي 6 سلندر حلو و خفيف ولكن لكزس GS افضل منه

المرسيدس فئة E خاصه موديل 2003 حتى 2009 تحس السيارة صغيرة وانت تسوقها ما كأنها مرسيدس

و ديكورها بلاستيك تحسها من أرخص الخامات و ضيقه

موديلات 98 الى 2002 كانت افضل منها

و موديل 2010 تغيرت بشكل جذري

لكن اللكزس اوسع منها و سواقه افضل صحيح انها اقسى شوي ولكن تعتبر مريحه و عزلها حلو

و سواقتها افضل بكثير


بيض الله وجهك يابو عبدالله رد وافي لكل استفساراتي
هل اغض النظر عن المرسيدس حاليا ؟
استشرت اكثر من شخص ونفس ما تفضلت انت رشحوا لي اللكزس
لكن برضو اللكزس Gs يجي منه اكثر من فئه الظاهر ازينهم 350 ولا انا غلطان ؟


up 1 down 1
abdulaziz_a.93 9
قبل 4 شهر



لا حجم 350 باللكزس موديل 2008 ابعد عنه

يجي امريكي دفع رباعي مستمر و مكينه مختلفة تماما و القطع مختلفه عن السعودي

يعني لو بغيت حتى كمبروسر او رديترات او كل شيء مختلف عن السعودي شكل GS فقط

لكن خذ 300 او 430 هي اللي قطعها متوفرة و دفع خلفي


ال GS 300 سته سلندر ست نمر 250 حصان . مكينه 3.0 

ال GS 430 ثمانيه سلندر ثمان نمر تقريبا 300 حصان مكينه 4.3 

مشكلة ال 430 المكينه سير ربل ماهو جنزير . 

اذا ناوي على ال GS خذ 2009 وفوق مكينتها نفس حقة ال 460 ومنتازه GS460


up 0 down 1
سعود 15 27
قبل 4 شهر



يا سعود حسب معلوماتي اللكزس بكل فئاتها من موديل 98 الى 2006 كلها القير 5 غيارات

سواء 6 او 8 سلندر

حتى اللكزس 300 و 430 موديل 2007 و 2008

و القير 8 غيارات جاء على لكزس 460 و على اللكزس الموديلات الحديثه بكل الفئات

و اللكزس 400 كانت تجي 307 حصان و 430 ما ادري كم ولكن ما اعتقد 300 حصان اكيد اكثر

و انا افضل صاحب الموضوع ياخذ موديل 2006 او 2007 حجم 430

لأنها نفس مكينه و قير لكزس LS رخيصة و تخدم اما 460 ما انصح فيها لغلاء صيانتها


والله يابو عبدالله . شككتني بمعلوماتي ورجعت اتأكد من جديد هههههههه . 

اللكزس GS 300 من 2006 وفوق القير 6 غيارات . 

واللكزس GS 430 من 2005 وفوق . ماهي 8 غيارات طلعت 6 غيارات فقط . 

والدليل ان قيرها فيه توب ترونيك والتوب ترونيك مايجي على 5 نمر وتحت . 

واما الاحصنه . اللكزس LS 460 موديل 2008 و 2009 فقط 343 حصان . وهي 4600 سي سي . 

يعني ماراح تصير 430 بقوة 460 . 



up 0 down 0
سعود 15 27
قبل 4 شهر



راجع معلوماتك مره ثالثه يا سعود ما جات الا 5 غيارات

حتى لو كانت تبترونيك 5 غيارات

متأكد من كلامي فقط 460 جات 8 غيارات

و باقي اللكزس بجميع انواعها 6 غيارات الموديلات الحديثه

و عندك كيا اوبتيما القديمة 4 غيارات و تبترونيك

بالنسبة لل4 سلندر

و 6 سلندر منها جات 5 غيارات تبترونيك

و الازيرا القديمة نفس الشيء 5 غيارات تبترونيك


استغرب من اللي يقارن ياباني في ألماني
واستغرب من يقارن راحة الألماني وديكور الألماني بالياباني

ياطويل العمر لو تاخذ شبح 98 بتشوف فيه السيارة كلها متماسكة وقوية وراسية بالخط

اختيارك موفق وتوكل على الله وانت ذكرت انك تبيها توديك وتجيبك بالمدينة ,, والألماني بيتوفر كل سبل الراحة والمشاوير والسفر وكل شيء

ولا عمري سمعت ان الالماني ديكوره يتفكك او له أصوات .. اكثر شي اسمع عن عيوب ديكوره الياباني والكوري والأمريكي

المرسيدس تاريخ لا يعلى عليه , قوة ماكينة أفضل من اللكزس بمراحل
شكل اجمل من اللكزس بمراحل
جاذبية اكثر من اللكزس بمراحل

توكل على الله وخذ وحدة نظيفة والله يسهل امرك


up 2 down 1
الاحترافي 274
قبل 4 شهر