مشكله في مرسيدس ورد الوكيل. طريقه رفع شكوى واعتراض

الشركه الوحيده الي ماسمعنا فيها عيوب مصنعيه
وزعلانين عشان سياره وحده فيها مشكله
يحمدون ربهم جت على سياره وحده
باقي الشركات كل اسبوع
استدعاء لعدد من السيارت لخلل مصنعي

ترا هم تصرفو صح هذي طريقتهم بناء على رد الشركة الام بيتصرفون قلو غير ماكينة خلاص تغيير قالو اصلاح اصلاح 

شوف ياغالي الوكاله محترمه والاغلب بالمانيا ناس محترمه لشركه مرموقه مفروض يوافقون .. بكلا الاحوال لو ماوافقو .. عندك حلين مع بعض الاول تكلم اداره الشرق الاوسط بالامارات والحل الثاني وزاره التجاره او الحل النهائي لو مانفعت لاقدر الله توقفهم قدام الوكاله بالعرض وترش عليها السياره جديده وفيها خلل ورافضين الاصلاح وقيد واحد سواها بجده ببانوراما اعتقد علشان قصه القير واتصلو يقولوه تكفى شيلها ونسوي اللي تبغاه علشان سمعتهم

اذا موديل السنه بيوافقون ، المرسدس يحترمون العملاء جداً

شاكر للجميع المشاركه

والله اذا خويك سواقته مش ولابد فيتحمل خطاه


ولو ردت الشركة بالمانيا ان تصليحها على الضمان فيحمد ربه

المعروف ان الالماني يبي له واحد محافظ عليه اكثر من محافظته على نفسه

والدليل عندي مديري بالعمل معاه مرسيدس بانوراما من 2007 فاكه وكاله وللحين معاه
ماشاء الله ورده
وزد على ذلك محافظ على صيانته اول باول

يبو محمد الله يهديك خاش بعنف . لو سواقه الرجال سيئه صدقني ماحطيت الموضوع . بس اسمح لي وش اللي لو ردت الشركه ان التصليح على الضمان يحمد ربه. اول شي الحمد لله اولا واخيرا. بس مدري ليه حنا نطوع انفسنا للوكالات بالطريقه هذي. السياره 2016 ويقول لك بشوف رد المانيا . اسمح لي هنا بالسعوديه فقط فقط هنا واكرر. الوكالات تتحامل علينا وتحاول تحملنا كل المصاريف وليست اول مره. والسبب ضعف الرقابه وجهل كثير من الناس حقوقهم والدليل على كلامي ردك (يحمد ربه ) وكانهم متفضلين عليه
تحياتي للجميع

ياشباب اذا في احد مر بنفس السالفه ورفع شكوى على الوكاله يعطينا الخطوات بالتفصيل لاهنتو . يعطيكم العافيه

اول مايجيك مشكلة تشعر ان لك حق فيها تروح للوكالة وتقول لهم ومهم جدا جدا جدا يزودونك بنسخة من تقرير المشكلة ، بعدها قول كلمة ورد غطاها تصلحونها وفورا والا لا ؟ قالوا لك طيب كان بها ، قالوا لك لا اتصل على وزارة التجارة ١٩٠٠ وهم يتفاهمون ويخلصون لك كل شي ومالك الا ولد يقرا ، وبعد كم يوم بيتصلون عليك الوكالة يقولون لك جبها ، اختصر لكم الطريقة من واقع تجربة عشان لا تتنرفز ولا تشيل هم 

السلام عليكم 
انا صارتلي نفس مشكلتك واخس منها عندي e200 2017 عندي مشكله في الدفرنس صوت ونه ورحت لهم قبل ثلاث شهور ورفضو يدخلوها على الضمان يقولو منتهي وتم الاتصال بوزارة التجاره وتم تحديد موعد وطلعت السياره على للضمان وتم إعطائي موعد لمدة ٢٠ يوم للكشف على السياره وبعد الكشف يقولي المشكله عندك المساعدات مصدومه والمقصات مقلوبه حدث العاقل بما يعقل كيف يركب المقص مقلوب ؟ قال الدفرنس عندك سليم غير هذي الأشياء للمعلومية المهندس ذكر ان المساعدات مصدومه والمقصات مقلوبه عشان لم يرسلها لضمان تطلع منه 
وتم إرفاق صور لوزاره التجاره وبعد الاطلاع على الصور من قبل المهندس ذكر ان المساعدات سليمه ولَم تتعرض لاأي ضرر بعد ذلك طلبت من مدير مهندس الصيانه نطلع نجرب السياره لااجل يسمع الصوت ارسل المهندس معايا  وسمع  الصوت من الدفرنس وذكر ان المشكله  في الكفرات والجنوط لابد من تغييرها وتم تغير الكفرات والجنوط ولازال الصوت وبعد انتهاء مدة الكشف تم تجديد الموعد ١٤ يوم أخرى للكشف أيضا وتم التواصل مع وزارة التجارة  وأخبارهم  بتلاعب الوكيل والمماطلة وتم تحديد موعد وإحضار وكيل الشركة وتعهده باعاده الكشف على الشركة وتزويده بتقرير وتم التواصل من الوكيل وإخباري باان الدفرنس عطلات ويحتاج تغير وسوف يقوم باارسال إيميل مطالبه للضمان وبعد مضي يومان تم التواصل وإخباري ان زيت الدفرنس لابد من تغيره في صيانه 50000 كم مع العلم ان اخر صيانه في الوكاله 46000 كم ولايوجد صيانه 50000 كم صيانه الوكاله كل 15000 كم ؟!!!!!!!