حالة سوق السيارات

السوق نايم وضاربته الشركات والبنوك بنظام التأجير 
والناس اصلاً ماشيه على مبدأ القرش الابيض ينفع في اليوم الاسود 

يعني تقصد الناس اغلبهم ياخذون اقصاد ؟؟
ماعاد احد يدفع كاش

ياهلا ومسهلا وين الناس :) 

حبيبنا حط قروشك بشي ينفعك اليخت تطلب والله وتنزل قيمتها خذ العلم خراباتها مزعجة للاسف 

من نظرتي الشي بيرتفع نزول لا اتوقع ابد 

موفق

هذا افضل وقت خصوصا عند قيادة المراءه بيرتفع فوق!

طراه قيادة المراه.   امس  مار محل. بعد شواية الجزيره. شارع الملك سعود.      انصح فيه.  عنده زنون ليد الخ
المضحك.  انه استبق قيادة المرأه.   وجايب جواعد.   ورديه. وحمراء.  هههههههههههههههههههههههههههه
شكلي بشتريها وبعرضها قبل الحريم يسوقون. الحرمه ماتكاسر.   

لكن.  رداعلى استفسارك.    ومن منظور اقتصادي. تابعته من جهابذة الاقتصاد.         ان فيه نزول.  لمعظم الحاجيات.  يقابله ارتفاع في 
بعض المواد الاستهلاكيه
الضريبه ٥ بالميه.     طيب. فيه تلفزيونات ثلاجات فريزرات.      كانت ب ٣٨٠٠ الان ب ٣١٠٠.       يعني ٧٠٠ وفرت.    لوبدفع ضريبه
بدفع ١٥٠.    تصير ب ٣٢٥٠.    وهي اصلا ٣٨٠٠
طبعا.  كان فيه نصب وجشع من التجار.       وكانوا.   مبالغين في الربح.  الان وبعد.  ان.    امسكوا الناس قروشهم.  ولاصار احد يشتري
اكتفوا.  بربح اقل.  افضل.  من ان يحنطوا بضايعهم.  والا يفقسون عليها.  هذا ١
السيارات.  غير.      اما مستعمل عادي مثلي ومثلك.   مظطر يخضع لسعر السوق.    وبيبيع  باللي يجيه
العوهلي كان عنده ١٢ صاله.    الان عنده صااالتين فقط.   
ف.   الزبده.    الضريبه.   ماتضر.   اذا سياره قيمتها ٨٠.  وبتصير ب ٦٠.      بتدفع ضريبه ٣٠٠٠ ب ٦٣٠٠٠.    كان سعرها قبل ب ٨٠
طبعا حسبه تقريبيه.       عموما.   فيه نزووول ولخبطه.   وضرايب.   
انا ما افكر.  الا بالكهرب.        يصحوني. اهلي.   اقول كهرب كهرب.         بسم الله علي.            والله في الصيف كنت ادفع ٢٦٠٠
تزود ٢٠٠ تنقص ٢٠٠ طبعا في ال ٤ اشهر الحاره.        الان.  ضريبه.  وارتفاع.   يعني بنق ٣٥٠٠.      صعبه علينا
الله يعين.      

مع ارتفاع الاسعار بعد فرض الضرائب وجفاف منابع دخل الموظفين سواءاً خاص او حكومي فمن الطبيعي ان الاسعار تصبح في ركوووود
مميت وبعدها يكون فيه انخفاض نسبي بسيط في اسعار السيارات والعقار وغيره ، فانت ممكن تاخذ مرسيدس اليخت ويطيح سعرها بعد
مع بداية اول ٣ الى ٦ شهور من عام 2018 .. لكن بيكون مبلغ بسيط الى متوسط بالنسبة لك .
وباعطيك مثال لو اشتريت اليخت الايام الحالية بمبلغ 140 الف ريال وبعد ما تتضح الرؤيا وتثبت الاسعار فالاحتمال ينخفض سعرها 
ما بين الـ 10 الى 25 ألف اذا لقيت الزبون الصامل 

ياعمي اترك عنك كشخة وخرابيط
بكرة يرتفع بنزين وتدور من يعبي لك
انصحك سياره وسيلة نقل لا اكثر ما تستاهل تحط مثلا 150 الف في يخت
حرام ةالله
خذ سيارة لحدود 30 الف اهم شي نظيفة وتخدمك فترة اطول

نصيحة من أخ لصاحب السؤال ؟

نصيحة من أخ لصاحب السؤال ؟

عفوأ الكتكوتة ضغطت الزر هههههه...
المراد طال عمرك خذلك سيارة معقولة وبسعر معقول واحتفظ بالباقي على جنب لأن القادم بعد الضرايب وارتفاع البنزين والكهرباء وزيادة المخالفات وعلى شوارعنا الخيالية!! وزحمة الشوارع فالأفضل تاخذ سيارة معقولة لأن القادم أمر نسأل الله السلامة.. والأن قدامي راعي معارض سيارت يقول الأمريكي والألماني ال 8 سلندر بالهكي للبيع وممكن يلحقه ال 6 سلندر ويكون إتجاه الأغلبية من الطبقة الكادحة إلى 4 سلندر والله يستر الوضع صعب وخطير

اكبر غلط تحط 200 او 400 الف في سيارة

حتى التجار تلقى معه مرسيدس ب 500 لكن اقساط ... يقول ليه اضيع من راس مالي 400 او 600 الف في سيارة وانا اقدر استثمرها ؟

كلام ممتاز جدااا