ابي اشتري مارسيدس s350 ومتردد

استخدم الوالد السياره ٧ سنوات تقريبا ٢٠٠٨ ٣٥٠ وشراها منه خالي 

الموتر بتستخدمه بحشمه بيحشمك ، بتجلده الله يعينك 

ماكان فيه مشاكل واجد مثل تخبيطات ولا كذا 

معظم الاشياء استهلاكيه 


واهم شيء واكبر نصيحه لك او لغيرك بخصوص الصيانه ، 
١- حاول تفهم بنفسك وش يحتاج 
٢- اذا وديته تصينه تكون واقف وتتاكد من تركيب القطع 
٣- اذا قدرت تجيب قلم ماركر تعلم فيه القطع الي عالسياره 

لان صراحه النصب بالالماني مو قليل 
تروح تغير مثلا ممم دينمو 
تجيب القطعه وو ويقولون لك تعال المساء 
ترجع تشوف الدينمو جديد وامورك طيبه 
توصل بيتك تلاقي السياره مايله 
ترجع لهم يقولك الجانبين الهايدروليك 
تسال عنه جديد غالي ، تنجن ماكان فيه شيء 
شوي الا يقولك عندي مستخدم نظيف ب سعر كذا 
تاخذه تركبه ، وهو بالاساس الاصلي حقك بدلوه وركبوا لك خربان يمشي كم يوم 

طبعاً حصلت كثير بالورش مو بس اللماني حتى ورش ثانيه ، لكن بالالماني صارت لنا تجارب معهم وكثير نفس الشي صارلهم 

واكيد ما اشمل كل الورش في ناس عندها ذمه 

وسالفه قصيره بقولك اياها 
خوي اختربت عليه شمعة زنن راح الورشه 
الفني فك له زنن من سيارة زبون خويي كان شايفه قبل يصلح عندهم 
المهم ركبها لخوي وقاله قبمتها كذا ، وبدت الهوشه ليش تفك من سيارة الرجال بدون اذنه 
قال عادي بحطله شمعه بعدين 
ههههههه

وبالتوفيق ياخوي وفعلا موتر حلو واحسنت بالاختيار 

واخر مره قبل يبيع الموتر ابوي كان عنده خراب بالهيدرولبك وكان على عجل 
نزلها وراح ، 
رجع الموتر واقف اوك 
وقفه بالبيت وسافر واثناء ذلك شراه خالي 
وطلع شغلهم بو كلب مركبينه مدري كيف مقلوب 
يهون هالشيء 
المشكله سارقين جهاز كمبيوتر قيمته مستعمل ب ٣٥٠٠ ولا تحصله الا نادر 
وكان قد مضى وقت عالموضوع ف ماتقدر تحاججهم وتثبت علبهم 
وجاب الجهاز خالي من الامارات ب ٢٥٠٠ ومشى اموره 

وللعلم كان المركز معرووووف جداً بالدمام 
بس حسبنا الله ونعم الوكيل 

مع عدم احنرامي لهم..الاجنبي حرامي من وراك..لكن قدامك مثل القطور منزل اذانيه..مع احترامي ل الاوفياء والمخلصين منهم وهم قليل..

اول حرامي حط ديسلايك

والله دامك تسأل عن قطع غيارها وخراباتها فأن أشوف إنك تدور غيرها أفضل لجيبك.
وإذا صامل إلا تاخذ مرسيدس شوف فئة C

الله يعطيك العافيه اخ محمد ، كفيت ووفيت
انا من عادتي اذا وديت السياره الورشه ماخليها واروح لاني عارف حركاتهم 
وشكرا للباقين ع الردود 

حاضرين ياخوي .. وربي يرزقك الموتر الي يرضيك