ما هي أسباب عدم اعتماديه السيارات الألمانية في السعودية

من وجهة نظري ، الصيانة عندنا .. 

بالنسبه للي مستمر بصيانة الوكاله تلاقي ماعنده مشاكل .. 
بس بيدفع كثير .. 

وغلاء صيانة الوكاله خلت معظم الناس تسوي الصيانه بره .. 
ومن واقع تجارب لي ولزملائي 
١- نادر تلاقي احد يفهم بالالماني مضبوط 
٢- نصب الورش بالتلفيق وسرقة القطع من سيارات الناس 

كان مع الوالد مرسيدس s350 ٢٠٠٨ خذاه مستعمل بعام ٢٠١٠ 
دخله الوكاله صيانه وتشيك شوي الا الفاتوره ١٧ الف تقريبا 
غيروا شغلات مالها داعي تتغير وكذا 

بعدها صار يصينه بالبحرين واموره طيبه 

اخر الايام وداه يصينه بالدمام ولعمصوا الدنيا وجننوه 
وباعه على خالي 
رحت مع خالي لورشه يبي ينفض كامل وعن طريق مع فه قالوله ١٣ الف 
وخذناه لواحد ثاني وصارت ٧٠٠٠ سبحان الله 

والحين اموره طيبه وماشي حول ٣٠٠ الف 
ومكينته وقيره تمام 
وانا اقولك يوصل ٥٠٠ الف ماعنده مشكله 

اهم شيء صيانته عند احد ثقه 

وعلى فكره حتى تويوتا بعضها ماتوصل ٢٠٠ الف وتطق مكينتها 
وبعضها توصل ٥٠٠ الف مافتح وجه المكينه .. 

باختصار الصيانه .. ولا سيارات ممتازه .. 

وانا شخصياً ارغب بالالماني ، لكن مافيني حيل صيانته لاني راعي كرف ومشاوير 

بنز لوفر كلمه بالخاص بيخدمك بعيونه
اما هنا بالمنتدى لو يكتب رد صكوه دسلايك
عضويته حاليا مايقدر يرد فيها بسبب نقاطه تحت الصفر
فقدنا واحد له فايده بالمنتدى

اما سالفة ان سياراتهم الالمانيه تكد مليون كيلو شيء طبيعي
هم اهل الالماني يعني اسوء ورشه عندعم يعرف يصلحها


وغير كذا التكاسي حتى لو سياره كوريه تكد
شف الالنترا عندنا حقين التكاسي تحصلها
ماشيه بدون مشاكل ٤٠٠ألف ب٣سنوات
بالاسبوع يمشي ٣الاف لان طول اليوم يدور بالشارع
يعني لو تمشي باليوم ١٠ساعات تقطع بالكيلو بالميت ٧٠٠كيلو
لان كذا مره اسأل راعي التكسي ويقولي انه يغير الزيت كل اسبوع
واستغرب ليه يغيره كل اسبوع طلع على كلامه انه بالاسبوع ٣الى٤الاف كيلو يمشي



ولو تجيب سيارتين وحده تقطع فيها
٤٠٠كيلو ب٣ او ٤سنوات خراباتها بتكون قليله
والسياره الثانيه تقطع فيها ٤٠٠كيلو خلال ١٠سنوات
بتكون خراباتها كثيره لان اغلب قطع السياره تعتمد على العمر قبل المسافه

الصيانه والسبب الاهم الاجواء الحاره
والجميله ، والحفر والبحث عن الكنوز
(الحفريات)

الأجواء الحارة عندنا ما تعيش فيها السيارات الأوروبية
اجوائهم طوال السنة بارده فا طبيعي راح تعيش معهم و ايضا
نقطه مهمه عندهم وسائل النقل متنوعه القطارات و المترو
و الحافلات
اما نحن فا اعتمادنا على السيارات 100%
و لذلك لم تنجح الا السيارات اليابانية و الكورية ثم الأمريكية
لأنها تطابق المواصفات القياسية الخليجية

و ما عيب الألماني تكلفة اجور اصلاحه و سعره غالي عند الشراء
سيارة فيها تكنولوجيا معقدة و ايضا مشاكل المكيف فيها من قديم
الأزل و اكثر من شخص اعرفه كان يملك مرسيدس شبح
و غيرها و باعوها و حولوا على السيارات اليابانية و الأمريكية

الأخ الحكمي قالك باختصار

(( وسائل النقل متنوعة ,, وحنا نحلل السيارة عشان كذا تطلب ))

ولا تنسى سوء شوارعك والمطبات والأجواء برضو

الالماني يبغاله شخص فاهم متعامل مع ورش فاهمه فقط ...الياباني متخصص
بالناس اللي ما تهتم كثير يعني بالسنه مره يفك الكبوت...واذا فكه شيك على موية المساحات هذا اذا فتحه
الشبح والفياقرا وحتى موديلات قبلها ليومك ذا اشوفه بالشوارع واحسن ب100 مره من بعض السيارات الجديده
واللي يهلك السيارة هلك شوارعنا حسبنا الله على كل مقصر بس ويصيبه تخلعت سياراتنا والسبب ذا الشوارع 

عندنا في السعودية بالنسبة للسيارات اليابانية والكورية نادر تلقى سيارة وصل ممشاها ٧٠٠ الف بدون تغيير مكينة اللي حظه كويس تخبط المكينة على ٦٠٠ وشوي او اقل حتى
اما السيارات الالمانية فليست بعملية في مناطق الشرق الاوسط
وتكلفة صيانتها على المدى الطويل اغلى من تكلفة شراء سيارة ألمانية مستعملة نظيفة

حياكم الله جميعا..
هناك شبه إجماع على أنه السبب الرئيسي هو الصيانه الصحيحه يليها اجواء منطقتنا واتفق تماما مع الأول اما بالنسبه للاجواء فهم اكيد بيصنعوها بمواصفات تناسب اجواءنا طيب الحين ليش ما في مراكز للصيانه غير الوكاله يكون عندها الخبره و العماله المدربه بكل نوع وتكون اسعارها معقوله... أخونا محمد وياك نفس المشكلة ارغبهم ولا فيني حيل ولا وقت... الأخ عبد الرحمن والله كانت مشاركاته مفيدة فعلا خسارة.... الأخ ميم34 جيت ع الجرح وانا بالرياض والحفريات تعدم عضلات السياره...
أخونا الحكم صح كلامك وما عندنا غيرها حتى أننا نستخدمها مكيفات متنقله..
اخونا الحكمي مااسمي انتشار السيارات الكوريه واليابانية نجاح اذا ما قورنت بالالماني اسميه تكيف او تأقلم لانهم يعطونك القليل مقابل الكثير من المال و هذا نوعا ما استغلال بمعنى مثلا يهتمون في المكيف والاعتماديه وهو المطلوب للاستمرار في منطقتنا لكن يستخدمون أرخص المواد تحصل سياره اقتصادية في التشغيل لكن لا وسائل أمان ولا قوه مكينه ولا عزل ولا مايحزنون واحنا في الحوادث نجيب العيد..
إخوانا عبدالله و سلطان نفس الكلام...
الغريب في الموضوع وسائل الأمان مالها علاقه في المصنع لها علاقه في اشتراطات الدول يعني السيارات الكوريه او اليابانية نفسها ما يسمحولها تدخل عندهم إلا إذا اجتازت اختبارات الأمان عجيب يا اخوان تلاقي الفورتشنر سياره فوق المئة ألف وحقت عائلة وتيجي وسائد هواء اماميه فقط وغيرها الكثير من السيارات الكوريه واليابانية!

لا أزيد على كلام الأخوان بارك الله فيهم كما ذكروا الشوارع والأجواء، ثانيًا توجد سيارات يابانية مظلومة وهي ممتازة وعملية وذات مواصفات مثل السوبارو وميتسوبيشي وكذلك السويدية فولفو والإيطالية ألفا روميو إما بسبب وكلائها وندرة القطع حيث أنها ممكن تجيك طلبية وعدة عوامل أخرى سواء في السوق أو غيره، فتجد أغلب التوجه على السيارات المعروفة والمتكررة الكورية وغيرها ويقولك أرغب عند البيع ومن ذا الكلام ويختار اللون اللي مرغوب للبيع مهب عشان ذوقه.

اليابانيين عاشوا فترة في الخليج عملوا دراسة في احوال الطقس صيف و الشتا 

شافوا ايش السيارات تحتاج من تكيف لسياراتهم .  السيارات الاوربية عامة تكيفها ما يجي مثل الياباني درجاتها خفيفة و عن تجربة 

مرة ركبت مرسيدس و رينو فلونس. الفلونس تخيل ثلاث درجات المكيف و انت مع درجة حرارة 50  يبغالك 4 سرعات و ياللا تلحق 

انا ابوي كان معاه ستروين زمان و صيانتها معقدة لدرجة تخيل زيت و فلتر اللي تاخذ ربع ساعة و قتها كانت تقعد  اسبوع تخيل بس 

زيت و فلتر و غير خراباتها لين ابوي افتك منها بخسارة .  عشان كذا الأوروبي مهما كانت جمالية السيارة لكن مع الصيانات تكره الساعة

اللي اشتريت السيارة بها .  خذتها قاعدة اذا تبي سيارة ناظر الشارع و شوف ايش اكثر شي ماشي و شوارعنا اكثر شي فيها الياباني,
الأمريكي و الكوري  غيرهم لا تفكر 

أبو محمد و الباثفايندري صح كلامكم و يبقى ان العامل الرئيس هو الوكيل و الصيانة وقطع الغيار واللي نتمنى انها تتحسن حتى نركب سيارات بجوده أعلى ووسائل أمان أكثر وبحصوص الأجواء ترى فيقلب افريقيا تحصل سيارات رينج تكرف ومو بس الحر الشديد اللي صعب التعامل معه والبرد الشديد كذا حتى ان في شدة البرودة تتجمد السوائل في السيارة فبالاخير المصنع يدرس جيداً الأسواق اللتي ينافس للبيع https://youtu.be/OXm2FaXqskE

الموضوع ماله علاقة لا بالأجواء، ولا الشوارع

بإختصار، لا يوجد لدينا ثقافة الصيانة الدورية + أسعار قطع الغيار وأجور شغل اليد نااااااار

لذلك عمر السيارة قصير عندنا

الصيانة ثم الصيانة ثم الصيانة
هي من يمدد العمر التشغيلي للسيارة بعد توفيق الله
من تجربه
اشتريت كيا كرنفال 2006 افضل واحد رفع معنوياتي قال عمرها سنتين وبعده الله يعينك
والبقية انتقدوني اني اشتريتها
كل اللي سويته حافظت على صيانتها اول باول
جلست معي 10 سنوات والله ثم والله ما عرفت الخربات ولا الاعطال الا بس قطع استهلاكيه ومره غيرت مساعد بسبب مطب
قطعت فيها فوق 255 الف كم ما تركت ديره ما سافرت لها مع العائلة والعفش والمكيف ثلج
بعتها واللي فحصها اقسم بالله يقوله الفني ماشاء الله وكاله ولله الحمد
هذا وهي كوري وليست ياباني ولا الماني اللي هم أكثر خبرة وجوده في ذلك الوقت من الكوري كيا

فعليكم بالمحافظه على الصيانه اول باول والاهتمام بالسياره لا تجور عليها وتبغاها تعيش معك حافظ عليها تعيش معك بحول الله وقوته

سبب نجاح اي سياره هو توفر قطع الغيار بكثره فالواحد يصلح عادي برخيص بدل مايرمي سيارته بسبب عدم توفر قطعها وتكلفه ثمنها

اعتقد المشكله مايعرف للالماني الا جنسيه معينه ومعروفه
وبعضهم مشهور بالنصب والاختيال
خل السياره عندنا وتعال بعدين تحصله يسرق قطع ويبدلهن مع غيرك بقطع تشتغل
او
او يبيعهن لغيرك تشليح
سبحان الله من تجيهم وتطلع منهم تحصل الخرابات تطلع مره وحده وراء بعض

مافي شيئ معقد ابد لو تشتري طيارة 
تابع فقط كتيٌب السيارة بدل ما تحط فيها معاملاتك و بطقاتك اقرئ بس متى تغير السوائل  و كل قطعة اذا انتهى عمرها الافتراضي تبدله 
و تطلب القطع من المواقع و تجيك الى بيتك بربع سعر الوكالة و تعرف على ورشه محترفين و تعامل معهم و باسعار مناسبه 
و لو يكون عندك مثلا سيارة فخمة جدا و سيارة اقتصادية جدا
هنا تسيطر و تحافظ على السيارة و تقعد سنين طويله و هي على سكبة الوكالة
سيارات الان بموديل الثمانيات اشوفها شغالة و يسافرون فيها بسبب المحافظة فقط