أضف سؤال أو موضوع جديد          

استفسار لاصحاب السيارات الرياضية

up 5 down 8
abdulaziz-12 419
قبل أسبوع و 5 يوم



السلام عليكم ورحمة الله
جمعة مباركة على الجميع وان شاء الله الكل بأفضل حال يارب
عندي استفسار بخصوص السيارات الرياضيه واتمنى للي عندهم السياره وعندهم خبره بالموضوع يجايبوني الله يعطيكم العافية
خوي اشترا دوج SRT8 جديده ماشاءالله يعطيه خيرها ويكفيه شرها وهو من نوع المطارحات والمقاومات والسرعه فأنا اكلمه اقله ماينفع تدعس بالسياره وكذا لانها بتنعدم وهو يقلي ان السيارات الرياضيه مصممه للسرعه وكذا واذا مادعست فيها المكينه بتموت طبعا قومات وسرعه بالاهتمام بالصيانه والزيوت وانه الواحد حرا يدفع ملبغ كبير بسيارة رياضيه ومايدعس فيها ويستخدم غرضها هل كلامه صحيح انه لازم تدعس بالسياره عشان تسير نشيطه وانها ماتنضر من السرعه بالمحافظة على الصيانه لانه اقنعني لمن تقاوم مع SRT8 زي حقته وتقدم عليها وكلهم سياراتهم وكاله ويقلي سيارتي اقوى عشان ادعس فيها ورجلي حاره وكذا
هل هذا الكلام صحيح واذا غلط ليش تاخذ سياره رياضيه بسعر عالي واذا تدعس تنضر لانه السيارات القويه مصممه انها تتحمل
اتمنى للي عنده خبره لايبخل علينا بالمعلومه وسلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نعم صحيح ، معي كامري وعندي قروب معهم كامري نفس الموديل ، الناس اللي يدعسون ورجلينهم حارة تلقى مواترهم تفصل على 220 وفوق ، واللي سواقتهم هادية تفصل على 212 تقريبًا وتحت ، حتى بالقومات اللي رجله دايم حارة تلقاه يقوم اسرع ، بس طبعًا اكيد يضر المكينة والقير على المدى البعيد وايضًا يحترق الزيت قبل وقته واشياء كثير تتضرر بالنسبة للسيارات الغير رياضية ، اما الرياضية غالبًا تكون مصممة للتحمل في مثل هالامور


up 4 down 6
0abo_waleed0 20
قبل أسبوع و 5 يوم



يعني الي مع سياره رياضيه يدعس على كيفه بشرط الاهتمام بالصيانه والزيوت ومافي اي ضرر على السياره؟


up 1 down 0
abdulaziz-12 419
قبل أسبوع و 5 يوم



السيارة الرياضية استمتع فيها بس الصيانات الدورية اول بأول وشوية اهتمام بتقعد معه سنين ان شاء الله


up 3 down 2
ali-911 3027
قبل أسبوع و 5 يوم



اذا رجله حارة وشغل مقاومات مفروض يغير الزيت قبل موعد الصيانة.. 
و يهتم بالامور الاستهلاكية الثانية.. وصحيح لما يجلس يدعس ويقاوم السيارة 
نوعا ما بتبرمج نفسها تزيد الاداء على حساب الصرفية.. هذي البرمجة تعتمد على حسب الاستخدام 



up 0 down 1
hejazi0 25
قبل أسبوع و 5 يوم



غلطان اخوك انا متابع مواقع سيارات و قنوات يوتيوب اجانب

السبارات الرياضية قصدهم السوبر سبورت
فيراري و لامبورغيني و المرسيدس AMG و اودي السبورت
ممكن الكومارو و الموستنغ الV8
اما السيارات اللي نص سبورت و نص استعمال عادي
الا ما تطلع خرابات اذا يدعس لها و هو بكيفه حلاله
بس التهور و المسابق و المجاكر نهايته حوادث و خطر حتى على المساكين اللي على الطريق سالكين


up 5 down 0
1405-1985 1327
قبل أسبوع و 5 يوم



وعليكم السلام ورحمة الله 

المكينة كلها حديد نفس المكاين الثانية بس حجمها اكبر وتعطي قوة اكثر فقط ،،،مايعني انها مصممه فقط للتفحيط والسرعة وغيرها راح تستهلكها وتخربها بسرعة عكس اذا كانت سواقتك هادية ،،،، وبرضو الاهتمام بالصيانه والزيوت هو العامل الاكبر في جلوسها لفترة ،،،،،، ونصيحة اذا كان حق مقاومات يروح مكان بعيد عن الناس عشان لايتسبب بحادث لاقدر الله وبعدها يكون الندم ماينفع


up 2 down 0
ابو حسين.......... 819
قبل أسبوع و 5 يوم



شكراً للجميع للرد ومشاكة الآراء
طبعاً السرعه والمقاومات بتكون بطرق بعيده عن الناس وفاضيه والاماكن المناسبه


up 0 down 0
abdulaziz-12 419
قبل أسبوع و 5 يوم



مع احترامي لجميع اس شخص بيقول اذا دعست لسياره تطلع نشيطه ماعنده سالفه ومايفهم فى السيارات  
السياره اذا سويت صيانتها واهتميت فيها راح تكون عزمها قوي ماله علاقه تجلد فيها ولاماتجلد  
هذا مثل مره واحد توه مشتري سياره جديده وماشي طبلونها قلت ليه توها ماتمرنت حرام توها جديده يقول عشان تصير نشيطه !!!! 


up 4 down 1
fhody44 270
قبل أسبوع و 5 يوم



اخوي fhody44

انا اقصد ان اذا شريت سياره رياضيه ودافع فيها مبلغ كبير هل الدعس والسرعه تضرها ولا هي مصممه للسرعه والا الكل عارف انه السيارات الصغيره والعاديه مو مخصصه للسرعه مثل الكرولا والسوناتا وغيرها والافضل ماتسرع فيها


up 0 down 0
abdulaziz-12 419
قبل أسبوع و 5 يوم



السيارات مصنوعة من حديد مش من خلايا حية مثل عضلات الإنسان إذا مرنتها تصير قوية .
كل ماتجور على السيارة بكثرة الدعس راح بالتأكيد يقل عمرها الافتراضي حتى لوكننت مهتم لصيانتها أول بأول.

السيارات الرياضية الهدف المصنوع من أجلها انها تكون أكثر رساوة من السيارات العايدية والمحركات تكون أكثر تحمل على السرعات العالية لمدة طويلة وطبعا اسرع تجاوب اذا بغيت تتجاوز لتفادي مشكلة واكثر خفة في الحركة مما يعطي شهور جميل بقيادتها


up 2 down 1
caprice-ss 177
قبل أسبوع و 5 يوم



اتفق معاك كابرس اس
ومادمر هالسيارات ووداها التشلبح الى كثر التدعيس والجور
والضغط المتواصل عليه بسنه تلقاها مخبطه ويدور مكينه
جدا ماتجمل معاه بالرجل الحاره الي معه
والركاده زينه بكره يجيه شلل لاقدر الله ولا مصيبه
وقتها المطارحات والعزم والقوة وش تفيده


up 2 down 0
احمد شريف 3198
قبل أسبوع و 5 يوم



احمد شريف

اخوي الكابرس موتر رساوه وخطوط ومو حق دعس واداء رياضي واكثرهم يعدلون عليه ويلعبو بالمكينه
انا اقصد بالسيارات الرياضيه الي سعرها فوق ٢٠٠ ألف


up 0 down 3
abdulaziz-12 419
قبل أسبوع و 5 يوم



اكثر شي سمعته انه وقت التمرين اجلد الموتر وبتصير سريعة لكن ممكن حتصرف بنزين زيادة او تتضرر المكينة عالمدى البعيد 


up 0 down 7
zax_makkah 118
قبل أسبوع و 5 يوم



من واقع تجربه السيارة تفرق اذ كنت تدعس عليها ولا لا يبان من نشاطها وفيه مقياس بنفسياسويه يشهد الله

علي اني اغير زيت 10000 على حسب تدعيسي مرات اغيره على 5000 وهو زيت 10الاف هي نسبه

وتناسب بس الي يدعس على عماها تلقاه اخر السنه مخبط عندي زيت القير اغيره على 20 الف

وقولو ماشاءالله السيارة ماشيه 300 الف حاليا يشهد الله علي بسنه مشيتها فوق 100 الف


up 0 down 3
ahmaad12 64
قبل أسبوع و 5 يوم