أضف سؤال أو موضوع جديد          

قير الفياقرا مسك علئ p

up 1 down 0
zayd0505 12
قبل سنه و 7 شهر



السلام عليكم.  ياجماعة الخير.   عندي فياقرا. لمبة الفرامل معلقه. والقير ماسك علئ  p مايعشق. 
وحاولت فيه وعجزت عنه.   والمشكله انه. ماقدر اشيله علئ سطحة ولا اقدر.  اسحبه.   الي يعرف له حل لاهنتو يعلمنا عنه.  واكون لكم من الشاكرين 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام 

في زر اسمه shift lock اذا كان موجود عندك اضغطه وحرك العصا 

او ممكن الخلل من القفل اللي تحت العصا خربان 





up 0 down 0
ابو حسين.......... 1024
قبل سنه و 7 شهر



https://www.youtube.com/watch?v=1lo8cE-Y4WY

تفضل ذا الحل بالمرسيدس عامة مع انك ماقلت موديل السيارة


up 3 down 0
talk to the hand 80
قبل سنه و 7 شهر



https://www.youtube.com/watch?v=wsZs47Cxog8

ذي حقت الفياقرا


up 0 down 0
talk to the hand 80
قبل سنه و 7 شهر



هذا اللوك حق عصا القير ينكسر ويمسك وهذا عيب الفياقرا في كثير راعيين سطحات يعرفون يفكون اللوك 


up 3 down 3
benz lover -82
قبل سنه و 7 شهر



اللوك ياخوك.  وين مكانه.    المشكله. مايشال.    وبعدين سألت واحد سوري.  يقول اذا المبه حقت الفرامل والعه. والقير ماسك. فالمشكله. من حساس ولانعرفه.  


up 2 down 0
zayd0505 12
قبل سنه و 7 شهر



^^ ذاك حساس الفرامل موضوع يجي فوق دعسة الفرامل نادر يخرب هذا القفل اكيد


up 1 down 1
benz lover -82
قبل سنه و 7 شهر



هذا القفل حق القير العضيب يصلحونه والسطحات بعضهم يعرفله
تواصل مع العضيب بالتلفون اكيد يعلمونك الطريقه عشان تشيله


up 0 down 0
فور جي 90
قبل سنه و 7 شهر



بيض الله وجيهكم ياجماعة.    وافين.    ولانستغني. عن الحلول 


up 0 down 0
zayd0505 12
قبل سنه و 7 شهر



السيارات الجديدة  تصير نفس المشكلة  واما مشلكة بالShift lock فعلية ..  واحيانا سبب تافه ماتتوقعه   اللي هو فيش  او زر تلقاه فوق دعسة الفرامل   اذا مسكت بريك يفتح لسان الزر واذا وخرت رجلك  يقفل اللسان  هذا هو اللي يقول للشفت لوك ان الفرامل انمسكت  عشان  يقدر القير يعشق  من P الى النمر الاخرى .. يعني مسألة أمان  ...  اذا الفيش عطلان   تلقى لمبات الفرامل الخلفية مولعة وانت منت ضاغط فرامل  او العكس  تمسك وماتشتغل اللمبات وهكذا .. حاول  حد يصير ورا موترك  وانت واقف  ىامسك فرامل  وفكها   انا مرت علي بسيارتي باثفايندر ١٣ جيل جديد  وخالي صلرت معه  جيب لكزس ناسي موديله ..  لمبات البريك الخلفية مولعة وهو مطفي السيارة ونازل  يضطر يفصل البطارية لاتنسحب وعلمتها بالمشكلة وغيرت الفيش وانحلت ...  ترى مؤقتا تقدر تدبر امورك بالضغط على  زر الشفت لوك بطريقة يدوية  غالبا تكون حول عصا القير اما مخفي او  باين الزر مكتوب عليه Shift lock او Shift  لوحدها وسلامتك 


up 1 down 0
أبو ليان 2014 7
قبل سنه و 7 شهر



بيض الله وجهك كفيت ووفيت وانا اخوك.  نعم الفرامل والعه بدون ادعي فرامل.   اما الزر الي عند القير.  مافيه.   الفياقرا مافيه. شي عند القير. 


up 0 down 0
zayd0505 12
قبل سنه و 7 شهر



انا حصلت معي وفكيت القير بس الفرامل ما زالت والعة
فك عصا القير وضرب العصا بشاكوش ونت ماسك بريك مع تحريك
عصا القير كأنك بتعشق ويفتح معاك بس تخلي على N



up 0 down 0
alia2018
قبل سنه و 2 شهر