أضف سؤال أو موضوع جديد          

وش المقصود بعدد الأزرار في المرسيدس؟

up 1 down 0
abu-ibrahim t 8
قبل سنه و 5 شهر



مرحبا.. 
نشوف كثير في اعلانات المرسيدس ما يسأل المتابعين عن عدد الأزرار.. او يذكر المعلن ان السيارة  ست ازرار او غيرها .. ماني بفاهم وش المقصود بعدد الازرار ووش ممكن تدل عليه من مواصفات .. أفيدونا لا هنتم يا خبراء المرسيدس..

مع جزيل الشكر 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الازرار تدل على الفئة يعني زر او زرين هذه ستاندر وهكذا
وعموما المرسيدس مافيه فل واستاندر فقط فئات ولكل فئة محرك ويتم معرفته من الرقم باسم السيارة
والمواصفات تختلف حسب الطلب
مثل مرسيدس C

لك ان تجد c180 بمواصفات تجعل سعرها اعلى من مرسيدس c200 رغم ان الاخيرة هذه فئة اعلى ولكن حكمت المواصفات

https://hawamer.com/vb/hawamer2107899


up 3 down 0
انت اخر امالي 677
قبل سنه و 5 شهر



يسمونها فصوص
كل مازاد فص معناها ميزه اضافيه
اللي 6 فصوص هي توب التوب
قيادة ذاتيه رؤيه ليليه وغيرها


up 3 down 0
fanar1 664
قبل سنه و 5 شهر



الأزارير تحدد المواصفات الموجوده بالسياره مثل الرادار والرؤيه الليليه وغيرها وتبدأ من زر واحد الى سته أزارير


up 1 down 0
jakwar2004 421
قبل سنه و 5 شهر



الازرار هي مواصفات اضافية تجي في المرسيدس على حسب طلب المشتري وفي العاده مكانها خلف الدركسون يسار فوق السويتش حق اللمبات .
طبعا هي عددها ٦ ازرار . لكن تجي بزرين او ٣ ازرار او ٥ على حسب طلب واحتياج المشتري  لهذي الاضافات. 
وراح اعدها لك من اليسار لليمين وهذا الترتيب اذا كانت السياره  ٦ ازرار .
١- زر مساعدة التحكم الذكي بالدركسون.
٢- زر تنبيه ومساعدة الثبات على المسار. 
٣- زر تشغيل واطفاء الحساسات.
٤- زر تشغيل الكاميرا ٣٦٠ درجة.
٥- زر مساعدة الرؤية اللليله .
٦- زر البروجكتر اللي يظهر لك في الزجاج الامامي للسائق.


up 4 down 0
ابو سعود الحمود 11
قبل سنه و 5 شهر



يعطيكم العافية جميعاً..
اذاً يعني مالها علاقة بالشكل او المحرك بقدر ماهي مواصفات كمالية اضافية فقط.
يعني مثلا s450 ممكن تكون بزر واحد أو زرين او ستة ازرار، لكن باقي مواصفاتها الخارجية والديكورات الداخلية نفسها؟


up 1 down 0
abu-ibrahim t 8
قبل سنه و 5 شهر



المقال في الرابط اللي حطيته اخوي "انت اخر امالي" مفيد جداً. شكراً لك.


up 1 down 0
abu-ibrahim t 8
قبل سنه و 5 شهر



الله يعافيك . . 
اي نعم مواصافات كمالية تتركب حسب رغبة المشتري . وممكن تلقى S450 ٦ ازرار ، وتلقى S63 زر او زرين او حتى بدون .

اما المواصفات الخارجيه تفرق ابرزها:
سقف بانوراما او بدون .
نوع الاضاءات : انوار ذكيه ، ليد ، او عاديه
كت السياره : كلاسيك او رياضي ( اي ام جي ).

اما الديكورات الداخليه كثيره ابرزها :
نوع الجلد : دايموند ، ديزاينو ، او جلد مرسيدس
ذاكره مقاعد
تسخين وتبريد المقاعد 
مساج
شاشات
ثلاجة.
ممكن تلقى اقل فئه مثل C 180 وفيها كل المواصفات . وتلقى S 450 مافيها نص مواصفاتها. باختصار المرسيدس تجي حسب الطلب .


up 1 down 0
ابو سعود الحمود 11
قبل سنه و 5 شهر



جميل جدا .. اضافة مهمة حتى تكتمل الصورة 
شكراً لك اخوي ابو سعود الحمود.
بس على كذا راح خرجع للمربع الاول! على كذا معرفة عدد الازرار ماله اعتبار كبير بالنسبة لمعرفة المواصفات لا الداخلية ولا الخارجية 


up 0 down 0
abu-ibrahim t 8
قبل سنه و 5 شهر



حياك الله اخوي . . 
هذي الازرار هي انظمة تقنية اختياريه للقيادة الذكيه ..وفي موديل ٢٠١٩ عملوا تحديث لها وطوروا بعض مهامها . والغوا زر الكاميرا ٣٦٠ وحطوه في الشاشه واستبدلوه بزر يرفع السياره وينزل اليا في حال تجاوزت السرعه ٨٠ كم.


up 0 down 0
ابو سعود الحمود 11
قبل سنه و 4 شهر



والله المرسيدس بحر
لكن هل صحيح انها عمليه وما تطلب كثير يعني مو حساسه مثل البي ام


up 0 down 0
ابو ماجه
قبل 8 شهر و 4 أسبوع



يقولون عملية جداا وخاصة ال E class


up 0 down 0
3moor12
قبل 5 شهر و أسبوع