أضف سؤال أو موضوع جديد          

استفسار عن صيانة واسعار قطع جيب مرسيدس G500 موديل 2004

up 1 down 1



السلام عليكم ورحمه الله وبركاته

يا اخوان عندي استفسار لمن لديهم الخبرة عن صيانة واسعار القطع لجيب مرسيدس الجي كلاس 500 من موديل ٢٠٠٢ الى ٢٠٠٥

وكيف السيارة هل راح تطلب كثير من ناحية اعطال واصلاحات (خاصه انها راح تكون استخدام يومي)

لاني اسمع ان الموديلات هذي عمليه وعليها الاقبال كثير
وخاصه سمعت ان مكينة ال500 عملية جداً ومتوفره قطعها ورخيصة (وماني متأكد من هذا الشئ) 
وما عندي خلفيه عن باقي الأمور من اشياء استهلاكية وعضلات ...إلخ

وما ابي اوهق عمري بشئ اكبر مني لان دراهمي ما هي زايده
فتكفون اللي عنده خبره يجيب على التساؤلات

وشكراً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مرسيدس وبي ام اشترها اذا جيبك دافي وعندك سياره بديله
واذا انت على قد حالك انصحك ابعد منها


up 3 down 0
qoowoop 52
قبل شهر



والله نصيحة اخ ابتعد عنها ثقيلة وغثيثة الموتر هذا اذا ماهو G55 سوبر تشارج يصير كلبي جداااا والحين الناس طبو فيه وقضو اصبح مستهلك وقاسي بالقيادة مرة وعزل الهواء صفر


up 6 down 1
benz lover 327
قبل شهر



حياك الله اخوي عاشق البنز اشوفك من اكثر الأشخاص مشاركة وتفاعل وان شاء الله انك لك الخبرة وبتفيدني

اكيد G55 يفرق لكن السوبر تشاجر متخوف منه ولا ابيه
وانا اللي شدني في مكينه ٥٠٠ بعض الاسعار اللي سمعتها من ناحيه القطع وبعد ان المكينه تأخذها مجدده ما بين سعر ١٠٠٠ الى ١٥٠٠ ونفس الشي مع القير
( الصدق بعض الكلام حسسني انه كرسيدا من ناحية انه عملي )
ومثل المساعدات تركب طقم جبريال وترتاح لكن اجهل باقي الاشياء من ناحية عضلات والى اخره

ومن ناحية ثقل وغثاثه وقساوة وعزل تعبان ما يهمني كثير الصيانة والاعطال


up 1 down 1



اتمنى اللي عنده خلفيه ينورنا وما يبخل بالرد


up 0 down 0



حبيبي انا املك الخبره الكافيه وحاب افيدك بشغلتين بالجي كلاس
الجي كلاس اللي تاخذه موديل 95 نفس اللي تاخذه 2007 جي500 غالبا محركاتها شبح وفياقراا
صحيح قطعها تعتبر اقل توفير من الموديلات الحديثه بس المكينه المجدده مثلا غير صحيح انها 1500 الشبح وهي شبح ماتنزل عن 2000 وهي موضبه طبعا 2004 وفوق بيكون مكينه فياقرا وسعرها يتراوح من 3000 الى 4000 حسب نظافتها وممشاها والقير من 2000 الى 2500 قبل ماتشتري تااكد من شيئين مهمين بعد المكينه والقير وهو عمود الدبل والكهرباء لان اذا ماكانت في المستوى راح تتعب كثير وبتكون زبون دايم عند اخوانا السوريين المتخصصين بالمرسيدس
بالمختصر المفيد كل شي فيه حلو ومقدور عليه
لكن كمبيوتراته وكهربته بتتعبك اذا اهملتها او ماشيكت عليها من البدايه تحياتي لك


up 0 down 0
9المميز9
قبل 4 أسبوع و يوم



من واقع تجربه اشتريت ٢٠٠٢ مخزن وكان يحتاج لبعض القطع الاستهلاكية وجدتها في جده غالية وطلبتها عن طريق النت من الامارات نصف السعر

احتجت مساعدات تنصحوني بمساعدات الربع وماشاء الله ١٠٠%
احتجت قربة مويه اللديتر وجدت حقت الفياجرا قيمتها ١٠٠ ريال
اشتريت من الامارات عدادات السرعة حق موديل ٢٠١٣ ب٨٠٠ ريال

السيارة امانه ممتعة في قيادتها


up 0 down 0
محب السنه 229
قبل 4 أسبوع و يوم