السيارة وسيلة نقل وليست غاية
14
10
إضغط هنا للإخفاء
السلام عليكم ورحمة الله وبركاته
اخواني مساء الخير أو صباح الخير كما تحبون
الجميع منا يعرف ضرورة السياره في هذا الوقت
خصوصا الشخص الموضف وعنده أسرة ف السيارة جدا مهمه بالنسبة له
لاكن بعض الأشخاص او العينات تعدت مرحلة أن السيارة وسيلة
فتشوف أصحاب المعارض والتجار الجشع يزداد عندهم من هالعينات
ف بعضهم تحصله أخذ أقصاد من الوكالة بقصد شهري فوق ٣٥ بالميه من راتبه
وتحصله البيت مستأجره وحالته حاله وضاغط على نفسه
بس عشان المظاهر قدام فلان وعلان وبالأخير يتوسدها المسكين
ودفعة أخيره وبالنهاية لو خلصها ماتجيب نص المبلغ اللي دفعة فيها
فمثلا السيارة كلفت عليه ٢٠٠ ألف يجي بيبعها بعد ٥ سنوات يالله تجيب ٦٠ او ٧٠ الف
والباقي ١٣٠ ألف الله يعوض عليه فهذا ماهو منطق اذا ماعندك بيت ملك وعندك كاش بالبنك لاتضغط نفسك
وتقصر في عيشتك وعيشت اولادك حرام ياخي المال أنت مسؤل عنه امام الله وين أصرفته
أشتر لك سيارة توديك وتجيبك وبدون ديون وهم وخساير والله الاقصاد ماوراها الا الخساير
ياخي والله واجد اعرفهم ياخذ أقصاد جديد عشان فلان وفلان يبي يكشخ ابو الشباب ويقصر بعيشة عياله
ياناس اتقوا ربكم واتركو مثل هالحركات اللي مالها سنع اشتر سيارة توصلك لمكانك وترجعك والحمدلله لك ياربي
أنا واعوذ بالله من كلمة انا عندي مبلغ بالبنك من فضل الله مبلغ زين وبأمكاني أشتري السيارة اللي براسي كاش
وعندي فورد فكتوريا ٢٠٠٩ شايلة رجلي عزكم الله ومكيف ثلاجة واسافر فيها وياربي لك الحمد والشكر
اول أعترف لكم كنت أحب المناضر والكشخات واشتري مرسيدس وبي ام والحين تركت كل ماذكرت لان عيالي أولا من السيارة
المبلغ يكون بالبنك للحاجة والضرورة ماهو للكماليات الكشخات اسميها كماليات وليست ضروريات
الي يبي يركب مرسيدس ولا رنج ومن هالمواتر يا يكون رجال كاش ولا يخليها لأهلها
زبدة الموضوع القناعة كنز لا يفنى
أقنع بما رزقك الله تكن أسعد الناس
واحمد الله على العافيه ونعمة الأمان واتمنى الجميع المشاركة وابداء رأيهم وشكراً ❤️
إبلاغ
الردود
2
0
3
3
اصلا الموظف يادوب يقضي احتياجاته كيف المتزوج وعنده عيال
نحمد الله على كل حال
قبل فترة اخذت سيارة اجار تمليك وكل ماجاء موعد اقساطها يطير من الراتب
مبلغ وقدره لكن وش اسوي هي الوسيلة اللي تشيل رجلينا وتكفيك مد اليد لفلان وعلان
4
0
الالمانيه فهي طايحه المستخدمه
3
1
وين طايحة الله يرضى لي عليك
ياليتها طايحة عشان نقدر نشتريها
الشبح النظيف سعره يتعدا ٤٠ الف
وال٥٦٠ النظيف ايضا سعره غالي
و موديلاتها قديمة يعني مافي سياره بنفس الموديل تضاهيها بالسعر
الواضح انك تجهل بهالأمور كثير
وانت خرجت عن صلب الموضوع وشطحت
خلك بالموضوع جزاك الله خير
1
14
مفتح بالأمور
6
0
و مرتاح مادياً يالله لك الحمد وبالدوام بهذلوني شوف زميلنا فلان وفلان طق له موتر 19
كل شي بوقته حلو والله يبعدنا عن الاقساط مافيها خير وكلام الناس ماعليك فيه
4
0
يجب ان الكل ينتبه لوضع المصروف
ويحاول انه يضبط اموره بحيث ان راتبه
يغطي مصاريفه ...وزود ان يترك منه شي
للظروف لو قدر يوفر....
.مقولة( اصرف ما ف الجيب يأتيك ما في الغيب )
نوعا ما خطأ لان المقصد منها
الصرف بلا فائده .....وبلاتوفير. ....نسأل الله
يوقف الجميع للخير ...وان يقضو حوائجهم
وان لا يلجؤا لاحد .....لا بنوك ولا شركات اقساط
ودمتم بخير. .....:) :)
3
1
1
0
3
2
والله فعلا
كلامك في الصميم واشهد بالله، السياره على الحال ولا اجمل وكذا الواحد يكون اشترى راحه باله ودماغه .. كلنا نحب الشي الملفت للنظر ' واعجبتني لما قلت ياتكون كاش .. ولا خلاص بلاش، بنسبه لي اشوف اللي تجاوز السن الـ 30 ولا ورط نفسـه بالاقصاد اعتقد هو الربحان .. لان بحسب معرفتي في الاوان الاخيره ان صغار السن في العقد الثاني من العمر هو اكثر الناس من يورذ نفسـه في السيارات الفارهه نوعا ما ..اللي يوصل شراها بالاقصاد ربع مليون او اقل ً والله الكاش الواحد يدفعها ويفك عمره من الاقصاد اللي ماوراها الا الاتعاب والسلف من الناس من شده الطفره ..
يازين سياره الملك .. كرسيدا 90 بـ سمي ولا
دودج تشالنجر بسم البنك.!
5
0
الله يرزقنا وياكم من واسع فضله
2
0
فعلا ع كلام اخونا فخامه الكلمة ( كرسيدا ٩٠ باسمي ولا تشارجر باسم البنك )
1
0
الواحد يعيش على المثل اللي يقول (مد رجولك على قد لحافك)
قبل 5 سنه و 3 شهر