أضف سؤال أو موضوع جديد          

ماهي انواع المرسيدس بانوراما V6 من 2006 إلى 2013

up 1 down 1
trooook92 6
قبل 4 شهر و 3 أسبوع



السلام عليكم ورحمة الله وبركاته

ماهي انواع مرسيدس البانوراما او مواصفاتها ذات محركات V6
كم نوع محرك لهذا الموديل 2006 إلى 2013 وهل فيه نوع تيربو وتنفس طبيعي؟
وكيف اعرف ان السيارة فيها رؤية ليلية في حالة عدم ذكرها بمواصفات السيارة!؟
كيف افرق بين الـ لارج والـ شورت؟
وكيف استخدامها وتكلفة اصلاحها للقطع الاستهلاكية والصرفية بشكل عام؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أخوي الله يسعدك مالها دخل المواصفات زي الرؤية الليلة اللي تكلمت عنها لأنها تجي في الشورت وفي اللارج حسب الطلب .

اللارج يبان عندك بابه الخلفي أكبر من الشورت ومايحضرني الآن المقاس بالضبط .

لكن بطريقه بدائيه بسيطه بامكانك معرفة إذا كان شورت أو لارج بجلوسك في المقعده الخلفيه بتلاقي اللارج ماشاءالله وسيع جداً وكانك في برحه هههههههههههه والشوت كأنك راكب اكسنت المقعده اللي أمامك لاصقه في رجولك ..

لكن تبي نصيحتي خذ لكزس LS مواصفات وتصاميم مريحة للعين وبدون تسميج وتكبير الديكورات وكثرة الكهربائيات (:


up 0 down 2
الzراني 93
قبل 4 شهر و 3 أسبوع



وبخصوص التيربو والتنفس ايه موجودات


up 0 down 0
الzراني 93
قبل 4 شهر و 3 أسبوع



هلا اخوي حياك البانوراما نزلت بعدة محركات وهذا تفصيلها :

محرك V6 يسمى M272 سعةً ،٣،٠ لتر ٢٣٠ حصان نزل من سنة ٢٠٠٦ لين ٢٠٠٩ بمسمى S280 هذا الستاندر مرة شاص قصير 

من عام ٢٠١٠ لين ٢٠١٣ صار اسمه S300 

ومحرك V6 يسمى M272 سعة ٣،٥ لتر بقوة ٢٧٢ حصان نزل من سنة ٢٠٠٦ لين ٢٠١١ ( وبعض دفعات ٢٠١٢ ) 

من سنة ٢٠١٢ لين ٢٠١٣ اصبح هناك محرك جديد يسمى Blue efficiency الكفاءة الزرقاء  يسمى M276 بقوة ٣٠٦ حصان ( نفس ماكينة اليخت ٤٠٠ ولكن بقوة اقل ) 

نجي لمحركات V8 يسمى M273 سعة ٥،٥ لتر بقوة ٣٨٨ حصان نزل من عام ٢٠٠٦ لين ٢٠١١ 

في عام ٢٠١٢ ولد محرك جديد يسمى M278 سعة ٥،٥ لتر توين تيربو بقوة ٤٠٧ احصنة ( طيارررررررة )

وباانسبة لفئة S63 نزلت من عام ٢٠٠٦ لين ٢٠١١ بمحرك تنفس طبيعي رقمه M156 سعة ٦،٢ لتر بقوة ٥٢٥ حصان 

والفئة اللي اتمناها النادرة جدا جدا من عام ٢٠١٢ لين ٢٠١٣ نزلت بمحرك ثنائي التيربو رقمه M157 بقوة ٥٧٥ حصان جبااااار جدا هو نفسه اللي نزل على G63 و اليخت 63 اصدار جدا نادر 


بالنسبة للرؤية الليلية فرار الانوار المعروف له زرين يمينه ويساره كثير منهم يكون مافي شي وبعضهم يجي يمين رشاش الانوار الامامية لتنظيفها واليسار مافي شي 

وبعضهم يجي على اليسار في الرؤية الليلية تلقى رسمة هلال وتحت - - - زي الطريق هذي حقت الرؤية للليلية وتلقى وسط الزجاج الامامي من الخارج فيه كاميرا واضحة تشوفها 

باانسبة للشاص القصير والطويل 

الشاص القصير اغلبه يجي ٢٨٠ و ٣٠٠ ونادر تشوفه بالشوارع ماهو مرغوب يوم توقف قدام الابواب تلقى القزاز الخلفي ضيق ماهوب بعريض ومكان الارجل الخلفي ضيق ويجي بدون تحكم مراتب ولا تكييف خلفي منفصل

هذا اللي في ببالي الحين واسفين لو نسينا شي 



up 7 down 1
benz lover -72
قبل 4 شهر و 3 أسبوع



اللي يقول خذل لكزز عزالله انك مانصحته
خاف الله ياخي والله ياللكزز قطع نار ومعقد
ومافي ورش تشتغل فيها الا قليل جدا
ومشاكلها في المقصات سعرها فوق ٨ الاف
والاي بي اس غالي دايم يخرب والدوده تخرب من الما لو حاها شو ماي بتخترب عليك
نصيحة انحش عن لكزز وخذلك بانوراما أس 500 وعيش ملك


up 2 down 2
s600l -37
قبل 4 شهر و 3 أسبوع



والله اشكركم كلكم على الاجابات والتفصيل والله ما قصرتوا

انا بعلمكم بالضبط ليه ابي مرسيدس
الأول امسك خط الرياض الشرقية مرتين بالشهر رايح جاي من خمس سنوات
وبدأ عند آلام في الدسك، وخصوصا سيارتي اسكاليد كأنه شاص.

ثانيا الفترات الاخيرة صار النعاس يغلبني فأحتاج رادار تنبيه و رؤية ليلية

ثالثا ابيه 6 سلندر لأن اسمع كثير يقولون انه ما يصرف بنزين مثل باقي السيارات
والـ8 سلندر صراحة فوق حاجتي بما ان سرعتي القصوى 140.

ثالثا فئة البانوراما من 2006 إلى 2013 قطع غياره قريبة من الاسكاليد وفيه ورش كثير متخصصه فيه
على حد ما سمعت

رابعا واخيرا اشوف من موديلات 2007 إلى 2010 بعضها ما يتجاوز الـ70
بدال ما اخذ كامري او سوناتا او النترا بقيمة 70 ألف اخذ لي مرسيدس، اريح والسعر يناسبني.

المشكلة اني اضيع لما ابحث...
عجزت افهم انواع المحركات 6 سلندر.
لدرجة فيه S300 فيها مواصفات اكثر من S350
او من كثر المواصفات ضيعت.

وانا مقتنع ان اللي يجرب الالماني مراح يتركه.
والله اشكركم ما قصرتم

وبالنسبة للمساعدات هل فيها نوعين هوائي و زيتي واللا لا ؟


up 1 down 0
trooook92 6
قبل 4 شهر و 3 أسبوع



اهم المواصفات اللي ابيها
رادار مع تنبيه ، رؤية ليلية محرك 6 سلندر تنفس طبيعي.

ايش الفئة والموديل اللي يناسبني ؟


up 0 down 0
trooook92 6
قبل 4 شهر و 3 أسبوع



خذلك ٣٥٠ فيراني داخلية اوف وايت وارضية سوداء يالبييييه فخااااامة 

الرادار مايفيد كثير لازم تثبت السرعة عشان يشتغل 

الرؤية الليلية جدا ممتازة في الخطوط تكشفلك الطريق صح 

خذ فيها شاشات خلفية مكيف خلفي منفصل عن الامامي مساج اغلبه خربان حتى اايخت يخرب بسرعة موب مهم 

اهم شي بفحص الماكينة وانت تدق سلف تولع لمبة ااماكينة وتطفي مع الباقي اذا ماطفت جلست شغاله معك افحص كومبيوتر وعلمني هنا وش طلعلك عطل واعلمك مكلف او لا وبعضهم يلغي اللمبة بالبرمجة ب ١٥٠ ريال انتبه 


up 1 down 1
benz lover -72
قبل 4 شهر و 3 أسبوع