أضف سؤال أو موضوع جديد          

مرسيدس بانوراما S350 - S500 وتجاربكم معها 2008 - 2010

up 0 down 0
al.mbasher 7
قبل 4 شهر و أسبوع



السلام عليكم ورحمة الله وبركاته

حيالله الجميع كل واحد باسمه,

السالفة ومافيها اني اداوم يوميا لمدينة تبعد ساعة من بيتي واضطر اني امسك هالخط كل يوم رايح جاي, يعني 200 كيلو يومياً.
الطريق خطر حتى لو ماتسرع غيرك يمشي بجنون وممكن يسبب لك حوادث قوية جداً الله يكفينا وياكم شرها.
فكرت اني آخذ سيارة يابانية ولا كورية بس السلامة ضرورية عندي وعزل الصوت مهم جداً لان راسي يصدع من ازعاج الطريق
فالموتار الخفيفة ماتصلحلي من هذي الناحية.

حصلت المرسيدس البانوراما 2008 - 2010 بالسعر المناسب لي ولكن ماحصل لي ان اجربها من قبل فحبيت أستشيركم.

- هل صرفية الوقود ممتازة لل 6 & 8 سرندل ؟
- هل فيها مشاكل دورية ومتعبة ؟ ولا مثل السيارات الثانية؟
- هل ال6 سرندل أقل خرابات ومشاكل ؟ علماً ان غالب السيارة بتكون خطوط.

* من قرائتي البسيطة في الانترنت اكتشفت ان كمبيوتر القير فيه مشكلة لموديل 2006- 2008 وبعدها تم حل المشكلة, اذا عندك خبر عن هالموضوع ؟


بيض الله وجيهكم جميعاً.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سيارة فخمة وفيها كل المطلوب

لكن ضريبة الصيانة والخرابات عالية


انصحك تشتري بي ام الفئة الخامسة 2011 وطالع، نفس الكلام فخامة ورساوة وخلافه وفوق كذا تتميز بالعملانية

كرسيدا بس الماني


up 1 down 2
نديم الطيف 175
قبل 4 شهر و أسبوع



اخوي البانوراما جبار وسبق نزلت عنه اكثر من تعليق خصوصا ال ٥٠٠ ممتاز ولا يطلب ولكن الصيانة مكلفة كومبيوتر قير شريحة قير كومبيوتر ماكينة كومبيوتر سام امامي وخلفي مساعدات هيدروليك 

٢٠٠٩ وتحت اهون من ٢٠١٠ وفوق ٢٠١٠ تجي الدودة كهرب خراباتها كثير وقييمتها ٥٠٠٠ ريال اقل شي 

كخطوط ٥٠٠ يصلحلك اكيد ابعد عن ٣٥٠ عزمه ابو كلب 

اي استفسار عنها حاضرين


up 2 down 1
benz lover -72
قبل 4 شهر و أسبوع



انا انصحك بقيمتها تاخذ احد انواع الكدلك افضل بما انك تبحث عن امان بعد الله وعزل صيانتها اسهل قطعها تقريبا مشابهه للشفر وموديل اكيد راح تاخذ احدث يعني من ٢٠١٣ وطالع وانت ومزاجك 


up 0 down 5
abdulmohsen 8760 91
قبل 4 شهر و أسبوع



ع كلام اخوي بنز لوفر دام خطوط وبتقدر ع  الصيانه لا تشتري الا 500 


up 1 down 0
yasser alyasser 567
قبل 4 شهر و أسبوع



200 كيلو ما هو خط 
اشتر لك فورد تورس اذا يهمك العزل ومواصفات الامان فيها كاملة
وابعد عن سيارة لها 10 سنين، مهما كانت مهما كانت


up 4 down 0
rustic 96
قبل 4 شهر و أسبوع



500 وأرفع يدك لكن اذا عندك مشكله في صرفية البنزين فتأكد إن المرسيدس يصرف بنزين

عن نفسي لا أستخدم غير سيارات مرسيدس وأخيراً بعت البانوراما والفياقرا وثبت على شبح 500 موديل 98 وصدقني لو سقتها وجربتها لن ترضى عنها بديلاً


up 1 down 0
jakwar2004 402
قبل 4 شهر و أسبوع



الألماني بشكل عام يعتبر موتر حساس جداً ولا أظن إنه راح يتحمل كرفك له 200 كيلو يومياً . . . .

وخصوصاً مع طرقنا اللي ما شاء الله ملساء ولا فيها سافي وغبار ومحكرات ماء بعد الأمطار . . . . .

هو حق مشوار مرة بالأسبوع عز الله هنا يطربك ويخدمك . . . . لكن بشكل يومي ؟؟؟؟؟؟؟؟

ما أظن . . . . .


up 0 down 0
خارج الوسط الرياضي 61
قبل 4 شهر و أسبوع



نصيحه ابعد عن السيارات القديمه و خاصه الفخمه لانها تطلب قطع و صيانه و القطع غاليه و اذا معزم تشتري انصحك بالتورس


up 1 down 1
افكار جديدة 661
قبل 4 شهر و أسبوع



ماقصروا الشباب
السياره لها ١٠ سنه
خلاص انتهى عمرها
راح تطلب منك صيانه دوريه وشهريه
واحيانا تعطل باماكن ماودك تتعطل فيها
وتقعد بين الورش
فوش لك ووش للتعب
ابعد عن الشر وغني له
خذ لك موتر توه جديد وكفو وخدوم وحق خطوط
وارشح لك موترين تنفع للخطوط وبديها قوي
وهي
اللنكون تاون كار... خذلك 2011 وعداده قليل.. وسعره حول 20 25 الف
حديد ومريح جدا للخطوط.. اريح من الفكتوريا والماركيز.. وخدوم ماشاءالله
وفيه التورس
خذلك 2016 بحول المبلغ اللي معاك
راسي جدا وعزلها قوي وعزمها طيب واربقات على كامل محيط السياره
موفق


up 0 down 0
ابوخالد1397 2667
قبل 4 شهر و أسبوع



لها ١٠ سنوات*


up 0 down 0
ابوخالد1397 2667
قبل 4 شهر و أسبوع



ماقصرو، الاخوووه
الله يجزاهم خير، نصائح قيمه،

الخطوط والتردد اليومي،
تبي موتر جديد،
لكن اللماني، وله١٠ سنوات،
وخبرتك فيه صفر،
وبتضربه خطوط يومي
اسف جدا


up 0 down 0
امير الاصيل 1717
قبل 4 شهر و أسبوع



نصيحه خذ تورس او استأجره وجرب 


up 0 down 0
am.an.com 434
قبل 4 شهر و أسبوع



بيض الله وجيهكم جميعاً عالمشاركة أفدتونا والله.


up 1 down 0
al.mbasher 7
قبل 4 شهر و أسبوع