ارغب في معرفه هل سيارات المرسيدس المستخدمه مشاكلها كثيره

نفس استفسارك المرسيدس داخلة دماغي وأبغى اشتريها وخايف من أعطالها وصعوبة صيانتها
وكذلك من تكييفها
ومالقيت جواب من احد شافي 

يا زين CLS اول شكل موديلات ٢٠٠٥ الى ٢٠١١
و مستعمل حصلت بالثلاثيات لكن مغامرة يبي له تفكير و ميزانية صيانة و تجديد

السيارات الفخمة لا تصلح أنها تكون للكد والكرف ولهذا السبب ما في مقارنة بين سيارة فخمة مثل المرسيدس وسيارة عملية مثل الإكسبيديشن

رأيي الشخصي أن المرسيدس تصلح لشخص عنده القدرة المالية بحيث أنه يشتري من الوكالة جديد ويعمل صيانة في الوكالة وبعد 3 أو 4 سنين يبيع السيارة بسعر السوق ولا يتندم على خسارته كونه استمتع بالسيارة وعز نفسه

أو يكون شخص له معرفة جيدة بالمرسيدس ويعرف يدبر لها قطع من التشاليح ومن النت ويعرف ميكانيكي فاهم وعنده أمانة فيشتريها مستخدمة نظيفة ويحافظ عليها ويعرف يصينها بدون متاعب

غير هؤلاء رح يتورط لأنه مشتري السيارة مستخدمة وما يقدر يدخلها الوكالة لأن السعر رح يكون غالي وما يعرف ميكانيكي فاهم ورح يتورط مع ناس تخمن العطل ويتورط بشراء قطع لا تحتاج تغيير أو الميكانيكي يكون ما عنده أمانة فيطلب قطع وما يركبها ويكون العطل بسيط

السلام عليكم

نعم اخي سيارات عملية وقيادتها ممتعة
ونظام الامن فيها مرتفع وصيانتها حسب
الفئة الي انت بتشتريها ومن افضل السيارات
تماسك على الطريق
اما الصيانة حسب استخدامك القطع الاستهلاكية
اسعارها معقولة وباقي القطع مثل ما قلت لك
حسب فئة السيارة يعني 6 سلندر غير عن ثمانية
وغير 12 سلندر
اذا لقيت سعر كويس ونظيفة توكل على الله
كانت معاي بي ام 735 جلست عشر سنوات تقريبا
ومشتي عليها فوق 500 الف ما طلبت مني غير
قماشات وكفرات

كل السيارات الفارهة تطلب صيانة وقطع

اذا تتكلم عن الفياغرا لحتى الآن قطعها غالية
البي ام نفس الكلام والاودي

سيارات فارهة طبيعي جدا القطعة غالية جدا
ولكن .. الميزة فيها ( تحط القطعة انساها ) وهذا الكلام فعلا صحيح وعن تجربة

لكن اذا انت بتاخذ مستعمل راح تلقى فيها مشاكل .. واذا بتصلحها راح تتهنى فيها

وسيبك من اللي يقول سيارتي فلانية مشيت عليها مليون كيلو وما طلبت مني الا كفرات والامور هذي .. لان هالامور عارية من الصحة .. كل سيارة تطلب صيانة وقطع وأمور اخرى

الاهم من كل هذا خذ اللي ممشاه معقول .. وابعد عن أي سيارة مصدومة من الأمام
وبالتوفيق

الي يقول المواتر الفارهه مو للكد ذا اقوله ماعندك سالفه او شاري لك موتر تشليح وتبيه يكد

جربنا الاودي والبي ام والمرسيدس وكدينها كد مع العلم محافظ على زيوتها والله ماخرب فيها شي الا بسوء استخدام

تكره اي موتر ثاني بعدها

اخر موتر كان سي ال اس 350 2013 عز الله كان موتر مكده وبطل

اهم شي اذا تبي خذ نظيف وصدقني لو ممشاه 200 الف مايضره الالماني ماشاء الله

اما قطع الغيار الحين السيارات كلها حول بعض

السلام عليكم
اخي الكريم اودي كانت اسمع عن البي ام ومشاكلها ولو
سمعت لكلام الناس واتوقع اغلبهم ما جرب هذه النوعية
ما شريتها
لكن صدقا بعد ما جربتها قريب العشر سنوات ( شريتها
استخدام الماني )
ما في سيارة خدمتني مثلها ولا زلت اذكرها بالخير اما
بالنسبة لقطع الغيار بحكم اني بمنطقة تبوك وقريب من
الاردن قطعها متوفرة
بالنسبة للاخ الي يبي يشتري عليك بالنظيف وانصحك من 2006
وفوق بالنسبة للقطع سهلة توفرها بالوقت الحالي خاصة عن
طريق النت وختصار للوقت روح اسال عن القطع الاستهلاكية
وشوف تناسبك ام لا

الرد الثالث احييك

بس اعارضك بانها ماتصلح للكرف معي قديم وجديد واكرفهم كرف مرسيدس ولاتشكي المشكله سلمك الله الناس تركب مرسيدس ويعجبه العزم ويجلس يدعس ويلعب فيه ويقوم مو حق كرف