أضف سؤال أو موضوع جديد          

أحسن الظن بأخيك

up 13 down 4
السهل الممتنع 6391
قبل 8 سنه و 5 شهر



السلام عليكم ورحمة الله وبركاته
كيف حالكم ؟
خطر ببالي اكتب لكم موقف صار معي ( ليس منقول انا اخوكم السهل ... )

اخي احسن الظن بأخيك قبل ان تسيئ الظن بهِ



مره مواعد زبون طالعني من بيتي الظهر والحراره 50
وقال انا شراي 
ارجوك  فلوسي كاش 
ورحت مسافة 37 كم انا وخويي نتمشى ونبيع 
المهم
كلمنا وحنا قريب من معرض النسيم 
وقال انا بالعيا الان وين اروح
قلنا له رح كذا وكذا وكذا
وبعد 20 دقيقه تقريبا او اكثر 
دق علينا وقال 
على يساري مسجد كبير ويميني ......مدري وشو !!

اثره على يساره مسجد الراجحي وماشي ( ادعس )
وصفنا له وصف دقيق 
وبعد ربع 25 دقيقه ملينا وقلنا هذا الزبون وين راح ؟؟
اتعبنا ومايدل الله يعين بس 

المهم اتصلنا به 
ولايرد 
ونبيه يرد ولايرد 

ودقينا ثالث مره ولارد
ومرت عشر دقايق لارد ولادق 
وبعدها قفل الجوال
!!!!!
خويي اللي معي عصب ( خخخخخخخ )
قال عطني جوالك 
قلت له شتبي به 
قال ابي ارسل له رساله لو انك حولي كان يدبتك ( ادبتك ) ( لقنتك درساً )
هههههه
قلت له يابشر
 التمس له عذر وتراك جالس وفوقك مكيف وقهوتك قدامك ووووو

 قال لا يرد ولا يدق وفوق هذاا قفل الجوال
اما ياهي لعانه
قلت له هد شوي ولاتلعن الرجال 
لان اسلوبه في الكلام يدل انه رجل مهذب
قال اي مهذب يضحك علينا وووو ويقفل اخرتها

المهم اقنعته ان الرجال يمكن يكون مسوي حادث او  او او !!!

والله يا اخوان 
وانا حلفت لكم 


وهو يدق علينا 
قال سلام انا اسف ترا واحد صدمني وماقدرت ارد وبعدها طفا جوالي شحن
والان صارت لي فرصه اشحن بطارية جوالي
وسامحني اللي صدمته وانا جاي

بحرت بوجه خويي 
وبرد وجهه
وجانا الرجال وطلع سمح وابن حلال وزبون جنتل 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته. وانا قاعد اقرا قلت بس خوويك لو شاف الرجال بيخلص عليه هههههه. وكالعاده مواضيعك دائماً مفيدة ولك احلى لايك.


up 2 down 0
mustaf 421
قبل 8 سنه و 5 شهر



موضوع ممتاز 

انا سبق وعرضت مسجل للبيع في الموقع 

بعد اسبوع  اتصل عليه شخص وانا مسافر قلتله مشغول احتمال ماارجع الا بعد اسبوع سار عليه ضرف وجلست مايقارب شهر لانها صادفت عطلة عيد رمضان 

اتصل الرجال وجلس يدعي ومعه حق يزعل 

قلتله خلاص ارسلي رقم حسابك عشان احولك فلوس وتشتري مسجل لاني بأتأخر ورفض وجلس يرسل رسايل ويدعي 

اتصلت عليه قلتله المسجل مابأبيعه عليك خلاص وقفلت في وجهه 

انا الان ادور عليه.وعلى رقمه ابي اعطيه المسجل هديه ويسامحني ويشهد الله مو قصد اني اماطل فيه لكن ضروفي وبعد المسافة 
واتمنى ان كان قرا ردي انه يسامحني لاني عطيته النيه 


up 6 down 0
راااضي 2522
قبل 8 سنه و 5 شهر



كالعادة اخوي السهل .. مبدع في مواضيعك .. وفي اسلوب طرحك .. وبصراحة يا ريت الجميع يحسن الظن ..


up 2 down 0
صاحب السمو 2 1500
قبل 8 سنه و 5 شهر



الزبده من موضوعك.. ﻻ تستعجل الحكم على الناس ..< مسوي جاب شي جديد ههه
وصادق اغلب الناس كذا سب وملعنه واخر شي.. يطلع الشخص مظلوم..


up 0 down 1
yazeed793 7884
قبل 8 سنه و 5 شهر



السهل الممتنع اشهد انك رجال وابن اصل


up 1 down 1
البطش 3583
قبل 8 سنه و 5 شهر