أضف سؤال أو موضوع جديد          

تحويل مساعدات هايدروليك الى عادي

up 1 down 0
عمران00 41
قبل 8 شهر و 4 أسبوع



يا شباب الي عنده علم يفيدنا بخصوص تحويل مساعدات الهيدروليك الى عادي
ايش عيوبها هل بها اصوات او مشاكل او ازعاج
الي قد حول اوعنده علم يفدنا خصوصا بالسيارات الالمانيه
وهل فعلا اوفر من المساعدات الهيدروليك بشكل عام عمرها الافتراضي او تكاليف الصيانه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله وانا اخوك انا معاي جيب لكزس ٢٠٠٥ هو في الاساس مساعدات هيدوليك ويوم شريته راعيه محوله الى مساعدات عاديه والصراحه كسرني ومطباته قاسيه الصراحه فكرت اني ارجعه وكاله واغير مساعداته الى هيدروليك 


up 0 down 0
الخور قريبه 422
قبل 8 شهر و 4 أسبوع



معاي اسكاليد كدلك راعيه الي قبل محوله عادي حقت يوكن مالاحضت فرق بس فيه لمبات تنبيهات ف الطبلون لان المساعدات العادي مايجي فيها افياش زي الهدروليك


up 0 down 0
باسل الزغيبي 37
قبل 8 شهر و 4 أسبوع



انا معي سوبربان LTZ2007 هيدروليك ، غيرته الى عايدي صار يمشي كأنه يقول ( هز يا وز ) .. بعد فترة اكتشفت ان السبب من الكفرا عمرها سنتين .. غيرت الكفرات وزبط وصار متزن
لكن ماعطاني الراحة مثل ما كان هيدروليك سابقا .. لأن الهيدروليك كان يعطي تماسك في ارتفاع ونزول السيارة بالخط وايضا بالميلان
عموما اقدر ارجعه هيدروليك وما يكلف اكثر من ١٦٠٠ ريال ..

خل سالفة الجمس على جنب .. نجي لسالفة المرسيدس :
عندي ٢٠١٢ مرسيدس سي ال اس ٥٠٠ .. وانتم عارفين ان هالنوع سبورت ( القرش ) لا مسك الخط وانسدح محد يحوشه ، اعتبره هالنوع من المرسيدسات اخطر متفجرات في الخط ههههههه اسوي له دعاية
ياسيدي كل فترة ينفع بالون ومرة مساعد ولو تكلمنا عن الخلفية بسيط امرها كلها ٤ الاف وتستانس شهرين والا ثلاث مع مطبات الرياض
لكن الأمامي على وشك الموت :) وتكلفة الامام الواحد ٤٥٠٠
اختصرتها وقلبته مساعدات
ركبت مساعدات سي ٢٠٠ وكل شي تمام .. ماعدا اني ابحث عن يايات عشا ترفعه لأن يايات سي ٢٠٠ نازلة ويحك في البطانة
وما زال البحث جاري عن اليايات

اما اذا الراحة فهي تنقص شي بسيط يعني تقدر تقول تفقد في راحته ٣٠٪ وهي نسبة معقولة على نوعية السيارة وايضا نسبة رائعة مع مطبات الرياض وتكاليف الصيانة
معليش .. انا اشتري سيارة عشان ارتاح لكن مو معناته ادفع كل شهرين وثلاث مبالغ خيالية في مساعدات خلفية او امامية

بالنسبة لعمرها الافتراضي الى ١٠ سنوات
تكاليف الصيانة تعتبر رخيصة والمساعد قيمته ٤٠٠ ريال
او تركب رياضي الواحد بحدود ٨٠٠ ولا انصح في الرياضي مزعج


up 0 down 0
رحـ العاصفة ـيل 102
قبل 6 شهر و أسبوع



شكرا لك ما قصرت


up 0 down 0
عمران00 41
قبل 5 شهر و 3 أسبوع



شكرا لك ما قصرت


up 0 down 0
عمران00 41
قبل 5 شهر و 3 أسبوع