فيوز مخرج شاحن الجوال جيب مرسيدس gl 500 م 2014
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
السلام عليكم ورحمة الله وبركاته
صبحكم الله بالرضا والسرور ويالله حي الصاحين والمواصلين
عندي مرسيدس جيب gl500 2014 الجفالي
وانا مو قريب من الرياض مره حتى الرياض لما اوصله امر لي كهربائي يشيكون على الفيوز مو عارفين ايش الطبخه
عموماً معروف المرسيدس تالجيب قدام مافسه الا ولاعة الزقاير وماتشحن لانها طافيه من يوم اخذته ومالقيت احد فنان
يفيديني هل هي تشحن الجوال اذا اشتغلت ولا بس حق توليع زقاير مع اني مستغرب المهم انا استخدم مدخلين الشحن
اللي ورى تكاية اليد وبداخل التكاية مدخل usb بس مايشحن بس يحافظ على الشحن بأقل نسبة في العالم
بصراحة انا مستغرب من مرسيدس بالنسبه لهذا الشي مليونين كيف ماتحط لي قدام اماكن شحن والموديل مو قديم ،،!!!!
المهم انا حليت المشكلة واحضرت لي شاحن سياره اصلي وسلك اصلي واشحن من هناك انا وزوجتي والاولاد
المهم ذيك اليوم انقذت واحد وياليتني ما انقذته مو متحسف ع الفزعة بس متحسف على ان مافي احد فاهم في المرسيدس
في كل الجنوب الى ضواحي الوسطى ماعدا الصناعية القديمة بالرياض ويعدون على الاصابع ماعليكم من المقدم الطويلة
عندي عفريته كهرب شبكتها في مخرج شحن الايفون عشان انقذ احد الاخوان ومن بعدها ماعاد اشتغل المخرجين حقين الشحن اللين بتكاية اليد
مع ان مخرج الشحن اللي بالخلف في شنطة السيارة شغال !!!!!!!!!!!!!!!
مريت اكثر من كهربائي لأني صراحة مقد فضيت له بس في بالي ان الشغلة شغلة فيوز
كل الكهربائيين شيكو على الفيوز يقولون كلش تمام ماعندك مشكلة
حت واحد منهم بغى يعدم علي حقة السيديات اللي بين مخرجين الشحن
قال ان الفيوز تحتها المهم ماتدري تصدق مين وتكذب مين
فقلت مالي الا انتم اي احد عند خبره او قد مرته هالمشكلة يفيدنا
واكون له من الشاكرين حتى لو بمقابل
لأني صراحه مابي ابو يمن يلعبون لي في الموتر يكفي اللي بغى يكسر علي مشغل السيديات
والله يلعن عفشيتهم في الشغل تجيب له سياره نظيفه يقوم يفكك فيها كأنه يفكك في ددسن موديل 55
واعتذر ع الإطالة شاكر مقدر تفهمكم وصبركم والسلام عليكم :) :)
![إبلاغ](https://montada.haraj.com.sa/images/alert.gif)
الردود
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
اما بخصوص المنافذ الثانية ابحث في علبة الفيوزات الداخلية عن Power outlet واكيد بتلقى اكثر من واحد واكيد ان واحد منهم خربان
قبل 3 سنه و 11 شهر