أضف سؤال أو موضوع جديد          

غيرت مرسيدس من هيردوليك الى مساعدات ولكن وين الاقي يايات ؟

up 2 down 0
رحـ العاصفة ـيل 102
قبل 6 شهر و أسبوع



السلام عليكم ورحمة الله وبركاته
ياجماعة عندي مرسيدس ٢٠١٢-٢٠١٣ سي ال اس نفس ال ٦٣
بسبب مطبات وحفر الرياض وخساير الهيدروليك كل فترة ينفقع بسبب مطب او حفرة وكان البلدية مترصدين لي !! غيرتها الى عايدي
ركبت مساعدات ولكن كيف احصل على يايات نفس المقاس ؟ لأني ما لقيت له يايات خصوصا هالنوع ما يجي يايات اصلا وانا مركب مساعدات سي ٢٠٠

الي عنده فكرة او يدلني على محل يايات اطبق عنده المقاس ارجو ذلك .. واتمنى يكون سعره رخيص موب مثل اليماني الي بالصناعية القديمة طلب مني تفصيل يايات بـ ٧٠٠ ريال !!! سعر غير منطقي على اليايات







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب وش مشكلة يايات c200

اذا هي تركب ونفس المقاس هذا شي طيب

اذا رفعت السيارة وخربت شكله تقدر تقص من الياي حسب رغبنك

واذا كانت نازلة تقدر تركب كعكات وترفعها

وفقك الله


up 1 down 0
نديم الطيف 267
قبل 6 شهر و أسبوع



طيب شوف عندك نفس نوع سيارتك 350 إلى 200 CLS او حتى350 او 300 او200 E كلها نفس الشاسيه اللي تجي عاديه بدون هيدروليك لابد تركب تماما بدون ترهيم لكن تحتاج تبرمج السيارة بعد التركيب لإلغاء نظام الهيدروليك عشان ما تطلع لك اشعارات او لمبات بالشاشة و الطبلون.. موفق خير


up 1 down 0
mb 320 195
قبل 6 شهر و أسبوع



يا الغالي عندي نفس موترك ٣٥٠ بس بدون هدروليك مويله ٢٠١٢ اتوقع تقدر تحط يايات نفس الى عندي cls 350 علما بانها من المصنع بدون هدروليك 


الف شكر يا شباب على تجاوبكم
واعتذر اني تأخرت في الرد .. طبعا اتوقع ان المشكلة كلها في اليايات الي راكبة لأنها تخص c200 او e300 مكينة ٦ سليندر .. الي معي مكينة ٨ سليندر ٥٠٠ لذلك احتاج فعلا يايات تشيل هالمكينة
ولكن بحثت ودخت على هالموضوع بحيث ولقيت محل بالصناعية يرهم على قولته يايات وطلب ٧٠٠ ريال للأمامية وانا متردد اركبها عنده واخسر اكثر من الخساير السابقة
ولكن شكلها مالي الا ارضخ للموضوع واجرب ان زبطت والا تهاوشت معه هههههه

عموما اذا عندكم اي تفاصيل او معلومات تفيدني لا تبخلوني علي فيها وفقكم الله سواء قطع غيار معينة مثل يايات كابرس قديم او انواع اخرى مجربه بحكم تجاربكم وخبراتكم .
وتس آب على جوال ٠٥٤٤١٤١٣٠٤ اقدر استفيد من الموضوع اكثر