المشورة في فياقرا 500 للبيع

أخوي حدد الموديل لا هنت ؟

500 موديله 2003 وفوق ويكون نظيف

انحاااش عنها ترى الشبح افضل منها بمراحل نصيحة مجرب والافضل 500 بحكم وزن السياره ثقيل ومبروك مقدما

عن تجربة 500 لا تصل بريال خرابات وصرفية واذا انت كاش وجيبك مفتوح ابد خذها بس تكون نظيفة جداً وهذا شوي صعب تلقاه الامر الثاني اذا انت من سكان الرياض ابتعد عنها وحتى لو هي نظيفة لأن الحفريات واجد والشوارع لاتصلح للهدروليك .. وانت براحتك

انا معي فياقرا 320 والكلام اللي فوق غير صحيح ابدا ماعدا كلام اخوي ركاب الالماني صحيح ودقيق ميه بالميه انا لقيت فياقرا كثير رخيصه ب 30 الى 53 الف حسب النظافه والممشى واشتري ب 53 الف نظيف ماشاء الله تبارك الله ومرتاح معه اصينه بوقته وسراحه سياره تتحمل كرف بس بادب يعني استعمل بنظافه ورح وتعال بس اعطها حقها فالمطاب مو تاكلها وحمها واذا خرب شي غيره على طول وباذن الله ترتاح وفخمه ومريحه ماشاء الله ولاتصرف وقطع غيار جدا معقوله واذا بغيت اي معلومات تواصل معي صدقني بعض قطعها زي الافالون والازيرا وارخص من الاكورد ماعدا الهيدروليك لكن ركبه وانسى وموتر ستاهل وترا انت واستخدامك له لو سيئ بيتعبك لانه موتر رايق ومحترم وتعطيه يعطيك

صدق أخوي ركاب الألماني وأخوي عادل علي

وأحب أضيف وهم يمكن أخبر مني يمكن يصححوا معلومتي ابعد عن الفياقرا من 99 وحتى 2002 وخذ من 2003 وحتى 2005 والأفضل 2005 وسلامتك ..

اخ محمد كلامك منتشر بين الناس ويقلون الكلام هذا عشان الشاشه اصغر والشكلي بس انا اخذت 2002 وقلبت شمعاته 2005 والشاشه ماتفرق معي كم سم وماشاء الله تبارك الله موتر وماعليك اللي يقول خرابات سياره فخمه اكيد الاستخدام السيئ بعدمها

المرسدس ماعليه كلام وبما انها سياره معروفه وله شهره وسمعه فالشي اكيد الاشاعات راح تطلع عنها والمشكله فيه ناس عمرهم ماركبوا فيها ويتكلمون فيها شي غريب حبيبي المرسيدس سياره لها 100 سنه تصنع واكبر دليل شف الموديلات القديمه الى يومك تشوفها بشوراع ..........

شوفوا بالنسبة للفياغرا بصراحة مميزة عيبها الوحيد المساعدات واكبر نقمة على شرطة المرسيدس يوم صنعه الفياغرا تكبدت خسار كبيرها وقلة بالمشتريات العالمية
اللي راعي خطوط دايم خاصة ان شوارعنا الحلوة كلها مطبات يمين ويسسار
تخرب المساعدات على طول حق الطريق بصراحة ملك الطريق والشيخ الشبح تحصل ياباني نظيف وامشييي