عدة استفسارات عن البانوراما s350 ونريد من الجميع المشاركة

ممتازه مررره  والفرق بينها و بين ال 500 المكينه و التحكم الخلفي و بس و انا انصحك فيييها 

مثل ماقال صقران الفرق الاساسي والهام في المكينه وفي فروق عاديه مثل تحكم خلفي وكذا بس للمعلوميه يمديك تطلب 350 بمواصفات 600 يعني مايهمك الا المكينه ومن ناحية العمليه فالمكينه ال500 حقة خط وبالنسبه للبلد والخط وكل شي 350 هي الافضل وانصحك فيها لانها اقتصاديه اكثر صيانتها اسهل عمليه وتحملها اكبر ووممتازه للبلد والخط ولكن مايلغي انه ال500 ملك فالخط فاذا تبيها خطوط عليك بال500 اذا تبي كشخه مدينه وخط وكل شي وعمليه عليك بال350 وانا اشهد ان المرسيدس سياره الله يوفقك وتوكل على الله .. القطع المكيانيكيه تختلف عن بعض والكهربائيه بس الاكسسوارات لا فرق

500 متعة في القيادة بكل ماتعنية الكلمة 
سواء في داخل المدينة او في الخطوط الطويلة 500 تمتاز بهدوء المكينة لانها ٨ سلندر والمكينة ماخذه راحتها  

مااااااا انصحك بال350 خذ 500 او 600

طبعا انا مالي خبره في البانوراما بس من الخبيرين حقينها انا اسالني عن الشبحات وال560

المهم ال500 وال350 هيدروليكها هووااا وال600 زيت اعتقد

انت نزل موووضووعك بمرسيدس العرب وتحصل اهل الخبره

ناااصر وابو بندر والغامدي وان شااء الله مايقصرون معك

مشكورين يا اخوان جميعا وماقصرتو وانا ابغاه للديرة لي وللوالد بس تراي مافهمت التحكم الخلفي هل المقصود انه دفع خلفي وننتظر من البقية التفاعل

كذلك يا اخوان ماذكرتولي كم اسعارهن ومعليش ازعجتكم لكن تحملوني والله ودي فيها ومتردد

التحكم الخلفي يكون مثل الكنترول للراكب الي في الخلف ويقدر يتحكم في المكيف المسجل وغيرها من مواصفات الرفاهيه 
بالنسبة لمواصفات الخليج كلها تجي دفع خلفي اما الامريكي يجي منها دفع رباعي لأن عندهم مناطق ثلوج 
الاسعار تختلف حسب لون السيارة الخارجي ولون الداخليه ومشي السيارة وموديلها ومواصفاتها هل هي بانوراما او عادي فيها رؤية ليلية او مافيها وغيرها من مواصفات الرفاهيه مثل الشاشات والستاير والثلاجة كل هاذي الاشياء تتحكم في سعر السيارة بالزيادة او النقص 
فئة 500 سعرها اغلى من 350 واخيراً الله يرزقك على قد نيتك بالموتر اللي يسر خاطرك ويبارك لك فيه

مشكور اخوي حسين وماقصرت ولا يهونون البقية لكن الموتر اللي بالراس s350 فل كامل 2010 كم تسوى اذا كانت نضيفه وكذلك وش المطلوب من الالوان الداخلية هل هو البيج الفاتح ام التوفي

الالماني لا تستشير احد فيه يكفيك اسمه اللمان