أضف سؤال أو موضوع جديد          

وزن الاذرعه في نظام التوجيه

up 6 down 1
سكودر 14930
قبل 6 سنه و 12 شهر



تحتاج وزن أذرعه بعد تغييرك للكفرات او اذا كانت كفراتك جديده  لان الاذرعه مع المطبات والخطوط اليي كلها حفر ومشاكل

فيلزم وزن الاذرعه علشان ما تمسح مع الكفرات

وأكرر الرجة أو الحذفه وزن الاذرعه ماله علاقه في حذفة السيارة

وتبي تتأكد من صحة كلامي مر على صاحب ميزان ألكتروني ويسويلك كشف مجاني على الاذرعه

وأذا تحتاج وزن يعلمك واذا لا يقولك توكل على الله

 
                    معلومه بسيط 

أذا السـيآرة تحذف يمين أو يـسآر على طول

من يوم تفـُك أيديك من الطآرة فرُبما المُشكلة

بدودة الطآرة لكن أن كآنت تتجة مره يمين ومره يسار

فـتـحـتآج وزن أذرعة ورُبما ترصيص أرضي .اذا طول الامر 

 
            طبعن فوائد الترصيص ووزن الاذرعه

1  استقامه السياره تمشي بخط مستقيم في طريق

2 تعطي السياره رساوه   تثبت  السياره  3  اثناء الانزلاق  ماتختل السياره معك    
 
4 نسبه من انخفاض نسبة استهلاك الوقود  5 عدم اتزان العجلات يجعل احتكاك الاطارات بالطريق اكبر 

6 عمر اطول للاطارات الامامية .. 7 لن تجد طريق مستقيم 100 % دون تعرجات او ميلان 












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أخس شي مسحية الكفرات والحذفيه تنكب مشي الموتر وتوازنه .


up 2 down 0
مستر بن . 10375
قبل 6 سنه و 12 شهر



أنا مره سويت خطاء كلفني خسارة الكفرات الأماميه ركبت للسياره يايات كبيره ورفعت السياره أكثر من 7 ســـم

 وماعرفت أنها تغير علي ميزان الأذرعه لأنها كانت قبل موزونه 

ونصيحه لأصحاب الترفيع بعد رفع السياره أو تنزيلها تأكد من وزن الأذرعه لأنها راح تتغير 

ولايك للموضوع سكودر




up 3 down 0
ابــو ســنــد 10639
قبل 6 سنه و 12 شهر



سكودر حبيبي 

انا عندي كامري اذأ مسكت فرامل يرج ألدركسون وش الحل

رصصت كفرات ومانفع 

بس اخبر اني ركبت حفرة وانطعج الجنط ورجعته بشاكوش 


up 4 down 0
راااضي 2525
قبل 6 سنه و 12 شهر



راضي سوي خرط هوبات ..


up 4 down 0
كن بسيطآ تكن أجمل 7881
قبل 6 سنه و 12 شهر



صدقت اخوي كن بسيطا سو خرط هوبات انا مثلك ترج سيارتي الاولى مع الفرامل بس اخرط هوبات وترووح
مشكور على الموضوع الحلو اخوي سكودر لكم لاييك


up 1 down 0
رآعي آلسيكل 374
قبل 6 سنه و 12 شهر



والله أنا عندي نفس مشكلتك يا راضي لكن الغريب حتى مع خرط الهوبات

وترا الهوبات مخروطه مرتين عندي

فمادري وش رايكم بهالسالفه

طبعا ما ترج إلا إذا كنت أمشي فوق 160 مثلا وبعدين أهدّي شوي شوي لكن لازم ترج


up 3 down 0
ديار حايل 800
قبل 6 سنه و 12 شهر



ياهلا فيكم   بنسبه لراضي    خرط الهوبات او تغيرها الى جديده احتمال ترصيص ارضي للكفرات وكفرات  والسرعات العاليه ومسكت فرامل مفاجئ  هو سبب  رجه


up 1 down 1
سكودر 14930
قبل 6 سنه و 12 شهر



ديار معك كليزلر او تشارجر او كابرس او لومينا يوكن تاهو
اذا كان من بين هالسيارت المشكلة من جلد السحب


up 1 down 0
ما بنكسر صابر 2689
قبل 6 سنه و 12 شهر



غالبا السياره اذا تعرضت لحادث تلقاها تحذف خصوصا اذا كانت الضربه في الكمر او الشاص الله يخلف عليها


لذلك انتبه تشتري سياره مصدومه خصوصا الدفع الامامي لانه ماراح تنحل مشكلة الحذفيه



يعطيك العافيه ياسكودر وواصل ابداعك



up 1 down 0



طيب اخوي الله يوفقك اذا السياره تميل اتجاء واحد  مثلاً يمين عند ترك الدركسون هل يحتاج وزن اذرعه


up 0 down 0
خطاي الشوق 2530
قبل 6 سنه و 12 شهر



أخ ما بنكسر صابر
لا والله أنا معي سوناتا 2008 , والحمد لله ماقد جاها حادث لكن فيها رجه وفيه حذفيه خفيفه يمين وبشهر 8 اللي فات مسويلها ميزان كمبيوتر كامل وومغير الكفرات وضبطت شهرين وبعدين رجعت



up 1 down 1
ديار حايل 800
قبل 6 سنه و 12 شهر



انا عندي جيب لكزز 99  LX470 جاته صدمه من ورا وبعدها صار الموتر مع الخط وانا مثبت الجركسون يحذف يمين أو يسار ووديته للوزن ويقولون موزون مافيه شي تعبت والله ماعرفت المشكلة


up 0 down 0
ناااااااااااااااااايف
قبل 4 سنه و 4 شهر



بالنسه اللي سيارته فيها رجة عند الدعس على الفرامل
وحصل ان خرط الهوبات مرتين لازم يغير هوب جديد مع اقمشه
الا اذا كانت الاقمشه جديده مايحتاج يغيرها


up 0 down 0
عبدالمحسن حدايدي
قبل 3 سنه و 7 شهر