أضف سؤال أو موضوع جديد          

عندي حرارة بالمرسيدس

up 1 down 1
ahmad-asas 2
قبل 6 سنه و 2 شهر



السلام عليكم يا اخوان سيارتي مرسيدس كوبيه موديل 95 500 قطعها كلها شبح
بدأت قصتي يوم سافرت الدمام 
وانا راجع من الدمام اسرعت 
وبعدين ارتفعت الحراره معي 
وقفت على جنب وفكيت غطا الرديتر وطلعت المويه 
وياريت ما فكيته 
جيت اعبي مويه ولا رضت تدخلها اي مويه عبي شوي وتتعبا القربه والحراره مرتفعه 
وبعدين بردت شوي وصلت 90 
واول ما مشيت ترتفع فورا 
اخر شي بعد ثلاث ساعات محاوله ما رضت تشتغل 
حطيتها بسطحه ول الرياض
ثاني يوم عبيتها مويه وهيه بارده تماما اخذت المويه واشنغلت وكل اموري تمام 
والحراره طبيعيه 
امس غيرت المويه وحطيت مويه وكاله مع مويه مقطره 
اشغل السياره وامشي فيها حراره ماشاء الله مع المكيف
بببسسس 
المشكله تبدا لما اوقف
مجرد اوقف تبدا ترتفع ....وهيه بارده اشغل وامشي طبيعي حتا بعد نص ساعه او اكثر
امس وقفتها بالظل والمكيف شغال 10 دقايق رجعت الحراره قبل ال120 بشوي
طفيت المكيف فورا ومشيت شوي شوي نزلت لل90
انا شاكك يكون بلف الحراره الترموستات 
يلي عنده فكره يفيدنا جزاكم الله خير 
واااسف عالأطاله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اول شي شيك على اسهل شي وارخص شي هو غيّر غطاء الرديتر معظم حرارة المرسيدس من الغطاء اذا كان قديم او غير اصلي
غيره وان شاء الله تنحل المشكلة


up 0 down 0
al_hayek2001 175
قبل 6 سنه و 2 شهر



في معلومه نسيت اذكرها
هوه ان السياره كانت لما امسك اللي يكون مضغوط هوا
بعد ما غيرت المويه وحصلت تسريب خفييف باللي الصغير 
غيرته 
بس ماعاد في ضغط هوا ابدا بالليات 


up 0 down 0
ahmad-asas 2
قبل 6 سنه و 2 شهر



علي وصفك 
احتمال كبير جدا واغلب الناس غافله عنه ولا يهتم
المشكله عندك الهوز العلوي والسفلي  بين الماكينه والرديتر
عند ضغظ الماكينه والماء الراجع للماكينه يسبب انحناء لليات ولا تكتمل الدوره 
ويسبب حراره 
ركب ليات اصلي وكاله مواصفات عدم الاحناء يكون داخلها سبرنك ملفوف داخل الي او الهوز
حتي مع الضغط  والسرعات العاليه لا يسبب الاحناء وثابت
ان شاء الله المعلومه وصلت


up 3 down 0
ماجد mot 10851
قبل 6 سنه و 2 شهر



أخوي أنا عندي شبح 500 ومن تجربه أقدر أفيدك إن شاءالله ولوجه الله .

أولاً سيدي إنت غلطت غلطة كبيره عند تعبئتك للرديتر والسياره ساخنه وهذا خطأ كبير يقع فيه ناس كثُر .

وثانياً بما إنك تقول إن الحراره ترتفع والسياره واقفه وإذا مشيت تنزل وهذا بسبب مراوح التبريد ماتشتغل وكذلك المروحه الرئيسيه .

لذا شيّك على حساسات المراوح هل تعمل أم لا ، لأن الحساسات عند إرتفاع الحراره تجعل المراوح تعمل على عدّة سرعات حتى لو السياره واقفه ،
والمروحه الرئيسيه بإمكانك أن تتأكد منها بنفسك بتحريكها إذا كانت السياره طافيه طبعاً لتتأكد من الكلتش حقها فإذا كانت تدور بسرعه (يعني خفيفه ) فهذا يعني أن كلتش المروحه خربان ولاتعمل عند إرتفاع الحراره .

عموماً الله يعينك تذهب لورشه متخصصه في سيارات مرسيدس وشيّك على منظومة التبريد شرط تكونورشه موثوقه ومعروفه بأمانة من يعملون بها ((وهم قلّه الآن وأغلبهم سباكين وحراميه)) .
والله يعينك ..


up 3 down 0
jakwar2004 437
قبل 6 سنه و 2 شهر



نسيت أقول لك أن تدخل منتدى مرسيدس العرب وقد تجد مايفيدك

لأن بهذا المنتدى تجارب شباب يملكون سيارات مرسيدس في جميع المناطق وقد يفيدونك عن الورش في منطقتك وأيضاً هناك مهندسين وخبراء مابقصرون مع كل من يستفسر عن أي مشكله ومجاناً دون مقابل ، بالإضافه كما قلت سابقاً تجارب ناس كثير عن جميع مشاكل المرسيدس .

وهذا رابط الموقع http://www.mercedes4arab.com/vb/forum.php


up 0 down 0
jakwar2004 437
قبل 6 سنه و 2 شهر



شكرا لكم ما قصرتو 
رحت الصناعيه بعد العصر 
في واحد قلي رديتر وفي واحد قلي كمبيوتر 
المهم في اثنين سوريين باينين خبره والورشه الثانيه دلوني عليهم 
فتحو الغطا وقالو مافي حراره وشيكو الليات واكدولي انه حراره مافي 
بس ما ادري كيف العداد يقيس كذا
في واحد قلي يا حساس حراره يا الساعه خربانه 
بس الساعه واضحة شغاله كويس .
في واحد نصحني غير بلف الحراره(الثرموستات) 
ان شاء الله بغيره وشوف لو منه المشكله او لا


up 0 down 0
ahmad-asas 2
قبل 6 سنه و 2 شهر



ابعد عن اللي قال لك كمبيوتر


up 0 down 0
منخشق 674
قبل 6 سنه و 2 شهر



مجمووووعة اشياء
غالبا بلف حرارة اذا ماعندك اي تهريب 


up 0 down 0
أبو ثامر 1982 118
قبل 6 سنه و 2 شهر



من أسباب الحرارة  بختصار في المرسدس -  الغطاء المروح  الاديتر طرنبة الماء البلف 


up 0 down 0
بن حمد s 41
قبل 6 سنه و 2 شهر



السلام عليكم 
اخوي بما انك تظغط على اللي مافيه ضغط هذا يدل ان الموتر مافيه حراره 
والخلل كان بسبب اللي اللي فيه تهريب وصلحته لاكن اعتقد الحساس خرب من ارتفاع الحراره 
والمره الثانيه اذا سخنت السياره خلها تبرد ولا تعبي الا وهي شغاله 
وشيك على زيت المكينه يا غالي 


up 0 down 0
الصقرالسعودي -6
قبل 6 سنه و 2 شهر



شكرا للجميع 
فكيت عشان اغير بلف الحراره ما حصلت شي مركب..من شريت السياره وهيه مافيها بلف
المهم ركبت البلف ونفس القصه ما فرقت ابد 
عداد الحراره يطلع مع الدعسه ونزل معها 
بعني احيانا لو دعست الاحظ العداد يرفع فورا شوي وينزل


up 0 down 0
ahmad-asas 2
قبل 6 سنه و 2 شهر



الموتر احس فيه حراره من تحت وزيت المكينه زايد 



up 0 down 0
ahmad-asas 2
قبل 6 سنه و 2 شهر



ويطلع صوت احيانا في اعلا الرديتر وتحيانا باللي شي يتحرك 


up 0 down 0
ahmad-asas 2
قبل 6 سنه و 2 شهر



اخوي غير رديتر ولك مني اللي تبي 


up 0 down 0
خليل ابوريناد
قبل 6 سنه و شهر



يا جماعة الخير،
عادي جداً إنه توصل الحرارة قبل 120 بشوي والسيارة في أزمة سير والمكيف شغال. هذا هو الطبيعي. بالنسبة لفرخ الشبح (وقد يختلف عن الشبح ولكن نفس الماكينة) المروح الأمامية تشتغل على سرعتين. صارت معي نفس الحالة السيارة تحمى وتوصل الحرارة 110 وبعدين تشتغل المراوح على السرعة العالية وتنزل الحرارة إلى 100. اكتشفت إنه فيوز السرعة البطيئة محروق والمراوح ما تشتغل على السرعة البطيئة مع المكيف. غيرت الفيوز وانحلت المشكلة والحرارة ما تطلع عن 90-100. في أسوأ الأحوال. لكن إذا الجو حار جداً وأزمة سير خانقة توصل الحرارة 110 وتشتغل المراوح على السرعة العالية وتنزل ل100، علماً إنه بلف الحرارة عندي 87 درجة.


up 0 down 0
sjanzeir 283
قبل 6 سنه